Shevchenko átti aldrei fara til Chelsea

Kakha Kaladze, félagi Andriy Shevchenko hjá AC Milan til sex ára, segir að Úkraínumaðurinn hafi gert stór mistök þegar hann ákvað að ganga í raðir Englandsmeistara Chelsea.

"Það er ömurlegt að sjá hann spila í dag og það er greinilegt að hann er alls ekki að passa inn í þetta Chelsea lið. Við söknum hans hérna hjá Milan, en ég er alveg öruggur á því að hann saknar okkar miklu meira. Hann passar ekkert inn í það sem Chelsea er að reyna að gera og ég talaði við hann áður en hann ákvað að fara frá Milan en það þýddi ekki neitt. Það er nú einu sinni þannig að hver og einn maður verður bara að taka ákvarðanir fyrir sig," sagði Georgíumaðurinn Kaladze.