Enski boltinn

Dýrmætur sigur Charlton

Darren Bent fagnar jöfnunarmarki sínu í dag.
Darren Bent fagnar jöfnunarmarki sínu í dag. MYND/Getty

Bryan Hughes var hetja Charlton gegn Aston Villa í hádegisrimmu enska boltans, en heil umferð fer fram í dag. Hughes skoraði sigurmarkið í 2-1 sigri þegar komið var fram yfir venjulegan leiktíma. Hermann Hreiðarsson lék allan leikinn fyrir Charlton.

Gareth Barry hafði komið Aston Villa yfir með marki úr vítaspyrnu undir lok fyrri hálfleiks en framherjinn Darren Bent jafnaði metin á 57. mínútu. Það var síðan Hughes sem tryggði liðinu afar dýrmætan sigur.

Með sigrinum lagaði Charlton stöðu sína í fallbaráttunni allverulega en liðið er þó enn í 19. og næstneðsta sæti með 16 stig. West Ham er í þriðja neðsta sæti með 19 stig.

Enski boltinn Erlendar Fótbolti Íþróttir

Mest lesið


Fleiri fréttir

Sjá meira


×

Mest lesið