Rússar í 8-liða úrslit eftir ótrúlegan sigur á Ungverjum

Ungvjerar voru fjórum sekúndum frá því að komast í 8-liða úrslit HM í handbolta en það var þegar svo mikið var eftir þegar Rússar náðu að skora sigurmarkið í leik liðanna nú í kvöld. Rússar sigruðu með einu marki, 26-25, og "stálu" sæti í 8-liða úrslitum af Ungverjunum.

Þegar 10 sekúndur voru eftir tók Vladimir Maximov, þjálfari Rússa, leikhlé og setti upp í kerfi sem skilaði sér í marki sex sekúndum síðar. Fjórar sekúndur voru of skammur tími fyrir Ungverja til að jafna metin og leikmenn liðsins voru niðurbrotnir í leikslok.

Rússar stigu að sama skapi trylltan stríðsdans enda ótrúlegur árangur hjá liðinu þegar horft er til þess að í það vantar fjölmarga leikmenn vegna meiðsla.