Samvera fyrir börn af upptökuheimilum

Laugarneskirkja verður næstkomandi sunnudag með sálgæslusamveru fyrir börn sem hafa verið á upptökuheimilum. Séra Bjarni Karlsson segir að boðað sé til samverunnar í tilefni af þeirri umræðu sem hafi verið um lífsreynslu og stöðu þeirra sem voru börn á upptökuheimilum hins opinbera á árum áður.

Til sálgæslusamverunnar er öllum sem voru börn á upptökuheimilum boðið að koma og deila reynslu sinni. Skipt verður í smærri samtalshópa og mun læknir eða prestur leiða samtal hvers hóps.

Samveran verður frá kl. 17:00 næstkomandi sunnudag. Súpa og meðlæti verða í boði um kvöldmatarleitið en kl. 20:00 verður haldin mánaðarleg kvöldmessa í kirkjunni. Messan verður að þessu sinni helguð umhugsun um menningu gömlu upptökuheimilanna og fyrirbæn fyrir minningum þeirra sem þar áttu sína daga, eins og segir í tilkynningu frá Laugarneskirkju.