Ronaldinho sleppur með eins leiks bann
Brasilíski snillingurinn Ronaldinho getur tekið þátt í síðasta leik Barcelona í deildarkeppninni. Óttast var að hann myndi missa af tveimur síðustu leikjum liðsins eftir að hann var rekinn af velli fyrir fólskulegt brot í leik gegn Getafe um síðustu helgi, en hann fékk aðeins eins leiks bann fyrir brot sitt. Ronaldinho missir af leik liðs síns gegn Espanyol um næstu helgi en getur spilað síðasta leikinn gegn Tarragona.
