Joe Cole segir Messi betri en Ronaldo

Joe Cole, leikmaður Chelsea, segir að Lionel Messi sé besti leikmaður heims um þessar mundir en ekki Cristiano Ronaldo.

Cole segir að frammistaða Messi gegn Manchester United í undanúrslitum Meistaradeildar Evrópu hafi gert útslagið.

„Ronaldo hefur verið frábær en Messi sýndi í undanúrslitunum að hann er sá besti," sagði Cole. „Hann er líka einungis 20 ára gamall og aðeins hægt að ímynda sér hversu góður hann verður á næstu tíu árum."

Messi hefur verið orðaður við Chelsea fyrir 80 milljónir punda en Cole segir að það væri frábært að fá að spila við hlið hans.

Joe Cole og Cristiano Ronaldo mætast þegar Chelsea og Manchester United eigast við í úrslitaleik Meistaradeildar Evrópu á miðvikudaginn kemur.