Carrick verður ekki með United

Miðjumaðurinn Michael Carrick verður tæplega með Manchester United annað kvöld þegar liðið mætir Villarreal í fyrsta leik sínum í Meistaradeildinni á leiktíðinni.

Carrick meiddist á ökkla í leik United og Liverpool um helgina og var hvergi sjáanlegur á æfingu liðsins í morgun. Það vakti athygli að Dimitar Berbatov tók heldur ekki þátt í æfingunni, en hann varð fyrir minniháttar meiðslum í leik helgarinnar.

Cristiano Ronaldo verður væntanlega á varamannabekk United annað kvöld, en hann er óðum að ná sér eftir aðgerð og gæti spilað sinn fyrsta leik á leiktíðinni.