Henry á skotskónum hjá Barcelona

Thierry Henry skoraði mark Barcelona í kvöld þegar liðið gerði 1-1 jafntefli við Sevilla á útivelli í fyrri leik liðanna í 16-liða úrslitum spænska konungsbikarsins. Henry kom Barca yfir í leiknum á 24. mínútu en Diego Capel jafnaði skömmu fyrir hálfleik.

Eiður Smári Guðjohnsen var á varamannabekk Barcelona í kvöld og kom inn sem varamaður fyrir Eto´o á 85. mínútu.

Af öðrum úrslitum í keppninni í kvöld má geta þess að Joaquin fór illa með fyrrum félaga sína í Betis þegar hann skoraði bæði mörk Valencia í 2-1 útisigri.

A.BILBAO-ESPANYOL 1-1

BETIS-VALENCIA 1-2

GETAFE-LEVANTE 3-0

R.ZARAGOZA-RACING 1-1

RECREATI-VILLARREAL 1-0

SEVILLA-BARCELONA 1-1