Eiður Smári lék í 55 mínútur - Barcelona komst áfram

Barcelona er komið áfram í átta liða úrslit spænsku bikarkeppninnar. Liðið gerði markalaust jafntefli gegn Sevilla í kvöld en fyrri leikurinn fór 1-1 og kemst Barcelona áfram á útivallarmarki.

Leikurinn á Nou Camp í kvöld var bragðdaufur. Eiður Smári Guðjohnsen var í byrjunarliði Barcelona en náði ekki að finna taktinn og var tekinn af velli þegar tíu mínútur voru liðnar af seinni hálfleik.

Sevilla náði að koma knettinum í markið í lokin en dæmd var rangstaða. Úrslitin 0-0 og bikarmeistarar Sevilla eru fallnir úr keppni.