Naumt tap Lottomatica Roma

Jón Arnór Stefánsson lék ekki með Lottomatica Roma í kvöld sem tapaði naumlega fyrir CSKA Moskvu í Meistaradeild Evrópu í kvöld, 72-71.

Jón Arnór á við meiðsli að stríða og var af þeim sökum ekki með í leiknum í kvöld.

Rómverjar voru með ríflega forystu þegar skammt var til leiksloka en Rússarnir reyndist sterkari á lokasprettinum og innbyrtu eins stig sigur.

Þetta var fyrsti leikur liðanna í milliriðlakeppni deildarinnar þar sem sextán bestu liðin taka þátt.