Eiður Smári á bekknum

Eiður Smári Guðjohnsen er á varamannabekk Barcelona sem mætir Schalke í Meistaradeild Evrópu í kvöld.

Fyrr í dag tippuðu spænskir fjölmiðlar á að hann myndi verða í fremstu víglínu ásamt þeim Samuel Eto'o og Andrés Iniesta en á daginn hefur komið að Eto'o, Thierry Henry og Bojan Krkic verða í þriggja manna sóknarlínu liðsins.

Iniesta er á miðjunni ásamt þeim Xavi og Yaya Toure. Victor Valdes er á sínum stað í markinu og í vörninni eru þeir Zambrotta, Puyol, Milito og Abidal.