Allir heilir hjá Barcelona

Pep Guardiola þjálfari mun hafa alla sína bestu menn til taks þegar liðið mætir Bayern Munchen í fyrri leik liðanna í 8-liða úrslitum Meistaradeildarinnar annað kvöld.

Miðjumennirnir Yaya Toure og Alexander Hleb hafa báðir fengið grænt ljós frá læknum til að spila annað kvöld og því hefur þjálfarinn úr nægum efnivið að velja þegar Bayern kemur í heimsókn á Nou Camp annað kvöld.

Barcelona-liðið dvelur nú á La Florida lúxushótelinu skammt frá Barcelona þar sem menn eru að stilla strengi fyrir leikinn mikilvæga.