Hefðir átt að hrinda Messi niður stigann

Lionel Messi fór illa með Arsenal í Meistaradeildinni í síðustu viku. The Walcott, vængmaður Arsenal, segir frá því í viðtali við The Sun hvernig hann hefði getað útilokað Messi frá leiknum.

„Á leikdegi mætti ég Messi í stiganum. Stjórinn okkar hefur skemmtilega kímnigáfu og þegar hann heyrði af því sagði hann að ég hefði átt að hrinda honum niður!" sagði Walcott við The Sun.

„Að skora fjögur mörk sýnir hve magnaður leikmaður Messi er. Ég er búinn að skoða mörkin aftur og hann bíður til síðustu sekúndu með að sparka í boltann. Hann lætur fótbolta líta út fyrir að vera svo einfaldur."

Walcott átti í erfiðleikum með að sofna eftir leikinn í síðustu viku. „Ég er vanur því að horfa á upptöku af leikjum fyrir svefninn. Mamma og pabbi voru vön því að taka leikina upp fyrir mig. Nú þegar ég er fluttur út á ég það til að gleyma að taka þá upp."