Forráðamenn Fiorentina geta andað aðeins léttar því nú er ljóst að seinni leikur liðsins og Bayern Munchen í 16 liða úrslitum Meistaradeildarinnar mun fara fram í kvöld. Óttast var að það gæti þurft að fresta leiknum vegna mikils fannfergis en minni snjókoma verður en spáð var í fyrstu.
„Það verður smá snjókoma í Flórens en ef veðrið helst eins og það er núna þá er ekkert að óttast. Völlurinn hefur verið hitaður upp í 28 gráður og því festist enginn snjór á vellinum," segir í tilkynningu á heimasíðu Fiorentina.
Það er spáð eins stigs frosti á meðan leiknum stendur en það verður hvasst og því verður vindkælingin upp eins og ef væri 11 stiga frost í logni. Áhorfendum á leiknum er því ráðlagt að klæða sig vel í kvöld.
Bayern Munchen vann fyrri leikinn 2-1 í Þýskalandi og því nægir heimamönnum í Fiorentina að vinna leikinn 1-0 til þess að komast áfram í átta liða úrslitin.
Frost og snjór í Flórens í kvöld - áhorfendum ráðlagt að klæða sig vel
Óskar Ófeigur Jónsson skrifar

Mest lesið

Eiginkona Diogo Jota með vasaklútaskilaboð
Enski boltinn


Karlremban Chicharito í klandri
Fótbolti





Isak fer ekki í æfingaferðina
Enski boltinn

Mario og Jaka í æfingahópnum fyrir EM
Körfubolti
