Nýr Bandaríkjamaður á leiðinni í Hólminn

Körfuknattleiksdeild, Snæfells í Stykkishólmi, hefur gengið frá samningi við bandaríska leikmanninn, Quincy Hankins Cole fyrir næstkomandi tímabil. Þetta kemur fram á heimasíðu félagsins.

Leikmaðurinn er 21 árs og 203 cm á hæð, en hann lék með Pikeville College í Mid South deildinni á síðasta tímabili og var með 12.9 stig að meðaltali og 8 fráköst.

Cole er samkvæmt Hólmurum sterkur varnarmaður sem og liðtækur sóknarmaður og verður líklega mikill liðstyrkur fyrir Snæfell á næsta tímabili.