Barcelona er loksins búið að ganga frá kaupunum á Alexis Sanchez frá Udinese. Framherjinn frá Síle vildi fara til Barcelona og fékk ósk sína uppfyllta.
Ensku stórliðin Man. Utd, Man. City og Chelsea höfðu einnig áhuga á leikmanninum.
Hann skrifaði í gær undir fimm ára samning við Barcelona og greiðir Barcelona 26 milljónir evra fyrir leikmanninn.
Hann verður kynntur fyrir stuðningsmönnum félagsins um helgina.
Sanchez orðinn leikmaður Barcelona
