Bretar bíða spenntir eftir brúðkaupi Vilhjálms og Kate 9. apríl 2011 13:30 Það er ekkert venjulegt við brúðkaup Vilhjálms prins og Kate Middleton en því mun meðal annars bregða fyrir í ensku sápuóperunni Eastenders. Persónurnar munu þannig halda upp á brúðkaupið upp á breskan máta í sjónvarpsþættinum sjálfum. Þá hefur Channel 5 fest kaup á leikinni mynd um samband Vilhjálms og Kate sem verður sýnd í aðdraganda brúðkaupsins. Bretar bíða spenntir eftir brúðkaupi ársins hinn 29. apríl þegar Vilhjálmur prins gengur að eiga unnustu sína, Kate Middleton. Enska biskupakirkjan biður fyrir því að hjónin verði hvort öðru trú. Breska þjóðin bíður nú með öndina í hálsinum eftir því að Kate Middleton verði hennar næsta prinsessa þegar hún gengur að eiga Vilhjálm prins. Parið hefur verið sundur og saman undanfarin ár en nú er komið að stóru stundinni. Búist er við því að 600 þúsund ferðamenn leggi leið sína til Lundúna til þess eins að fylgjast með athöfninni og öllu húllumhæinu. Athöfnin og brúðkaupið verða í beinni útsendingu á RÚV og þau Bogi Ágústsson og Elísabet Brekkan munu lýsa því sem fyrir augu ber. Athöfnin stendur frá tíu að morgni föstudagsins 29. apríl til korter yfir tólf. Eftir að hafa verið gefin saman er hinum nýgiftu ekið í opnum vagni að Buckingham-höll, þar sem Vilhjálmur og Kate munu veifa til þjóðar sinnar. Til að koma í veg fyrir tafir hefur gestum brúðkaupsins verið ráðlagt að mæta tveimur og hálfum tíma fyrir athöfnina sjálfa. Tvö þúsund gestir eru á fyrsta gestalistanum og þar má sjá nöfn á borð við Kanye West, David Beckham, Elton John og aðrar slíkar stórstjörnur. Athygli vekur að fáum þjóðhöfðingjum er boðið, Barack Obama fékk ekki boðskort né Frakklandsforsetinn Sarkozy eða Ólafur Ragnar Grímsson. Tvö þúsund manna listinn verður síðan skorinn niður í 600 sem verður boðið í hressingu hjá Elísabetu drottningu. Aðalveislan er síðan kvöldverður í boði Karls Bretaprins en þangað fá aðeins 300 gestir boðskort. Ekkert hefur verið gefið út hvað verður á matseðlinum en fjölmiðlar gera því skóna að matseðillinn verði mjög breskur. Þá er jafnframt búist við því að brúðkaupið sjálft eigi eftir að vera vítamínsprauta í annars krepptan efnahag Bretlands og hafa tölur eins og þrír milljarðar punda verið nefndar í því samhengi. Varningur tengdur brúðkaupinu eigi eftir að rjúka út, áfengisneysla verði umtalsverð og fólk eigi eftir að gera vel við sig í mat. Búið er að setja Kate Middleton-dúkku á markað sem sérfræðingar spá að eigi eftir að njóta mikilla vinsælda og ekki má heldur gleyma því að sannur konungsvinur gæti keypt æskuheimili prinsessunnar sem er nú til sölu. Bretar hafa ekki upplifað jafn spennandi tíma í konunglegum ástamálum síðan Karl Bretaprins giftist Díönu Spencer fyrir næstum þrjátíu árum en það var kallað „brúðkaup aldarinnar" í bresku pressunni. Það markaði reyndar upphaf ákaflega dökkra tíma í sögu bresku konungsfjölskyldunnar þar sem söguþráðurinn minnti á sápuóperu frá Ameríku. Því kemur það kannski engum á óvart að forsvarsmenn ensku biskupakirkjunnar skuli nú biðja fyrir því að Vilhjálmur og Kate Middleton verði hvort öðru trú í hjónabandinu og standi við þann samning sem þau gera frammi fyrir Guði og mönnum í Westminster Abbey. Breska blaðið Telegraph fjallar um bænina á vefsíðu sinni og rifjar upp sögu svika í Buckingham seint á síðustu öld. Þannig viðurkenndi Karl Bretaprins í sjónvarpsviðtali að hann hefði haldið framhjá Díönu með núverandi eiginkonu sinni, Camillu Parker Bowles. Díana launaði honum lambið gráa og upplýsti í öðru sjónvarpsviðtali að hún hefði alltaf elskað og dáð liðsforingjann James Hewitt. Elísabetu Bretadrottningu svelgdist síðan á morgunkaffinu skömmu seinna þegar hún sá myndir af tengdadóttur sinni, Söruh Ferguson, og ástmanni hennar, John Bryan, láta vel að hvort öðru á snekkju. Sarah var þá enn gift Andrési prins. Breska þjóðin virðist hins vegar trúa því að með þessu hjónabandi ljúki hrakfallasögu ástarinnar innan bresku krúnunnar. Og þeir forðast allar hástemmdar nafngiftir eins og brúðkaup aldarinnar. Allt kapp er lagt á að gera brúðkaupið sem glæsilegast úr garði og fjölmiðlum er gert að sýna bæði Kate og fjölskyldu hennar tilhlýðilega virðingu, enginn vill láta prinsessuna ungu upplifa Díönu-martröðina. Í gær kvartaði fjölskylda Middleton meðal annars undan áreitni frá ljósmyndurum en þeir höfðu þá setið um móður Kate þar sem hún var að versla. freyrgigja@frettabladid.is William & Kate Kóngafólk Bretland Mest lesið Vaktin: Ekta sumarhret leikur landann grátt Veður „Auddi, Steindi og Egill voru í markaðsmálum“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent „Ekki hægt að segja annað en fyrirgefið“ Innlent Fundaði með borginni: „Hef upplifað ýmislegt en aldrei svona grimmd“ Innlent Vilja að Aþena fylgi mannréttindastefnu borgarinnar Innlent Turnarnir svínvirka en fegrunaraðgerðir í farvatninu Innlent Varð undir bílhræi ofan í járntætara og fær 150 milljónir Innlent Brúnni milli Rússlands og Krímskaga lokað eftir sprengingar Erlent Sakar Víði um pólitísk afskipti af máli Oscars Innlent Fleiri fréttir Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Skyndikosningar framundan í Suður-Kóreu Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Vilja ganga á milli bols og höfuðs á geimrannsóknum í Bandaríkjunum Vill sameina þjóðina um hernaðaruppbyggingu Koma aftur saman eftir sögulegar árásir í Rússlandi Vopnaður heimagerðum eldvörpum Nawrocki sigraði með naumindum Alríkislögreglan rannsakar meinta hryðjuverkaárás Greta Thunberg siglir til Gasa Afskaplega mjótt á munum í kosningunum „Köngulóarvefur“ sem skrifað verður um í sögubókum Sprengjuflugvélar loga víða í Rússlandi Sjá meira
Bretar bíða spenntir eftir brúðkaupi ársins hinn 29. apríl þegar Vilhjálmur prins gengur að eiga unnustu sína, Kate Middleton. Enska biskupakirkjan biður fyrir því að hjónin verði hvort öðru trú. Breska þjóðin bíður nú með öndina í hálsinum eftir því að Kate Middleton verði hennar næsta prinsessa þegar hún gengur að eiga Vilhjálm prins. Parið hefur verið sundur og saman undanfarin ár en nú er komið að stóru stundinni. Búist er við því að 600 þúsund ferðamenn leggi leið sína til Lundúna til þess eins að fylgjast með athöfninni og öllu húllumhæinu. Athöfnin og brúðkaupið verða í beinni útsendingu á RÚV og þau Bogi Ágústsson og Elísabet Brekkan munu lýsa því sem fyrir augu ber. Athöfnin stendur frá tíu að morgni föstudagsins 29. apríl til korter yfir tólf. Eftir að hafa verið gefin saman er hinum nýgiftu ekið í opnum vagni að Buckingham-höll, þar sem Vilhjálmur og Kate munu veifa til þjóðar sinnar. Til að koma í veg fyrir tafir hefur gestum brúðkaupsins verið ráðlagt að mæta tveimur og hálfum tíma fyrir athöfnina sjálfa. Tvö þúsund gestir eru á fyrsta gestalistanum og þar má sjá nöfn á borð við Kanye West, David Beckham, Elton John og aðrar slíkar stórstjörnur. Athygli vekur að fáum þjóðhöfðingjum er boðið, Barack Obama fékk ekki boðskort né Frakklandsforsetinn Sarkozy eða Ólafur Ragnar Grímsson. Tvö þúsund manna listinn verður síðan skorinn niður í 600 sem verður boðið í hressingu hjá Elísabetu drottningu. Aðalveislan er síðan kvöldverður í boði Karls Bretaprins en þangað fá aðeins 300 gestir boðskort. Ekkert hefur verið gefið út hvað verður á matseðlinum en fjölmiðlar gera því skóna að matseðillinn verði mjög breskur. Þá er jafnframt búist við því að brúðkaupið sjálft eigi eftir að vera vítamínsprauta í annars krepptan efnahag Bretlands og hafa tölur eins og þrír milljarðar punda verið nefndar í því samhengi. Varningur tengdur brúðkaupinu eigi eftir að rjúka út, áfengisneysla verði umtalsverð og fólk eigi eftir að gera vel við sig í mat. Búið er að setja Kate Middleton-dúkku á markað sem sérfræðingar spá að eigi eftir að njóta mikilla vinsælda og ekki má heldur gleyma því að sannur konungsvinur gæti keypt æskuheimili prinsessunnar sem er nú til sölu. Bretar hafa ekki upplifað jafn spennandi tíma í konunglegum ástamálum síðan Karl Bretaprins giftist Díönu Spencer fyrir næstum þrjátíu árum en það var kallað „brúðkaup aldarinnar" í bresku pressunni. Það markaði reyndar upphaf ákaflega dökkra tíma í sögu bresku konungsfjölskyldunnar þar sem söguþráðurinn minnti á sápuóperu frá Ameríku. Því kemur það kannski engum á óvart að forsvarsmenn ensku biskupakirkjunnar skuli nú biðja fyrir því að Vilhjálmur og Kate Middleton verði hvort öðru trú í hjónabandinu og standi við þann samning sem þau gera frammi fyrir Guði og mönnum í Westminster Abbey. Breska blaðið Telegraph fjallar um bænina á vefsíðu sinni og rifjar upp sögu svika í Buckingham seint á síðustu öld. Þannig viðurkenndi Karl Bretaprins í sjónvarpsviðtali að hann hefði haldið framhjá Díönu með núverandi eiginkonu sinni, Camillu Parker Bowles. Díana launaði honum lambið gráa og upplýsti í öðru sjónvarpsviðtali að hún hefði alltaf elskað og dáð liðsforingjann James Hewitt. Elísabetu Bretadrottningu svelgdist síðan á morgunkaffinu skömmu seinna þegar hún sá myndir af tengdadóttur sinni, Söruh Ferguson, og ástmanni hennar, John Bryan, láta vel að hvort öðru á snekkju. Sarah var þá enn gift Andrési prins. Breska þjóðin virðist hins vegar trúa því að með þessu hjónabandi ljúki hrakfallasögu ástarinnar innan bresku krúnunnar. Og þeir forðast allar hástemmdar nafngiftir eins og brúðkaup aldarinnar. Allt kapp er lagt á að gera brúðkaupið sem glæsilegast úr garði og fjölmiðlum er gert að sýna bæði Kate og fjölskyldu hennar tilhlýðilega virðingu, enginn vill láta prinsessuna ungu upplifa Díönu-martröðina. Í gær kvartaði fjölskylda Middleton meðal annars undan áreitni frá ljósmyndurum en þeir höfðu þá setið um móður Kate þar sem hún var að versla. freyrgigja@frettabladid.is
William & Kate Kóngafólk Bretland Mest lesið Vaktin: Ekta sumarhret leikur landann grátt Veður „Auddi, Steindi og Egill voru í markaðsmálum“ Innlent Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent „Ekki hægt að segja annað en fyrirgefið“ Innlent Fundaði með borginni: „Hef upplifað ýmislegt en aldrei svona grimmd“ Innlent Vilja að Aþena fylgi mannréttindastefnu borgarinnar Innlent Turnarnir svínvirka en fegrunaraðgerðir í farvatninu Innlent Varð undir bílhræi ofan í járntætara og fær 150 milljónir Innlent Brúnni milli Rússlands og Krímskaga lokað eftir sprengingar Erlent Sakar Víði um pólitísk afskipti af máli Oscars Innlent Fleiri fréttir Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Skyndikosningar framundan í Suður-Kóreu Engin tímamótaskref tekin á fundi Rússa og Úkraínumanna Nýkjörinn forseti Póllands: Trúrækinn sagnfræðingur og fyrrverandi hnefaleikakappi Sérfræðingar ESB gagnrýna áform þess um að útvatna loftslagsmarkmið Niðurstaðan setji áform ríkisstjórnarinnar í uppnám Skjöl staðfesta að Tice var í haldi Assad-liða Vilja ganga á milli bols og höfuðs á geimrannsóknum í Bandaríkjunum Vill sameina þjóðina um hernaðaruppbyggingu Koma aftur saman eftir sögulegar árásir í Rússlandi Vopnaður heimagerðum eldvörpum Nawrocki sigraði með naumindum Alríkislögreglan rannsakar meinta hryðjuverkaárás Greta Thunberg siglir til Gasa Afskaplega mjótt á munum í kosningunum „Köngulóarvefur“ sem skrifað verður um í sögubókum Sprengjuflugvélar loga víða í Rússlandi Sjá meira
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent
Vorhret í Vaglaskógi: Gasgrillið í fullum gangi svo að fortjaldið sligist ekki undan snjónum Innlent