Þungbúin nýársávörp leiðtoga Evrópu

Leiðtogar Evrópuríkja telja erfitt ár framundan.

Angela Merkal, kanslari Þýskalands sagði í nýársávarpi sínu að Evrópa mætti nú búast við „erfiðustu þolraun síðustu áratuga á árinu, en að ríki Evrópu yrðu smátt og smátt samheldnari í þessum erfiðleikum.

Nicolas Sarkozy, forseti Frakklands, sagði að kreppunni væri síður en svo lokið. Forseti Ítalíu kallaði eftir enn frekari fórnum.

Leiðtogar Evrópu voru því ekki upplitsdjarfir í nýársávörpum sínum, enda telja helstu hagfræðingar heims að komandi ár verði Evrópu nokkuð erfitt. Fréttastofa BBC tók nokkra leiðandi hagfræðinga tali 30. desember síðastliðinn. Þeir töldu 30-40% líkur á því að evrusvæðið myndi klofna ár árinu. Einn af hverjum fimm hagfræðingum töldu að evrusvæðið myndi líða undir lok á komandi ári.