"Óbreytt ástand er óviðunandi" Kolbeinn Tumi Daðason skrifar 9. apríl 2013 12:10 Hásteinsvöllur með Herjólfsdal í baksýn. Aðeins tveir af sjö stjórnarmönnum í aðalstjórn ÍBV gefa kost á sér til áframhaldandi starfa. Óánægja ríkir á meðal stjórnarmanna sem segja ónefnda menn í stjórninni taka sérhagsmuni ákveðinna deilda fram yfir hagsmuni félagsins. Jóhann Pétursson, formaður ÍBV og Guðný Einarsdóttir, gjaldkeri félagsins, eru meðal þeirra sem hætta í stjórninni. Jóhann og Guðný hafa starfað lengi innan félagsins, Jóhann frá árinu 2005 og Guðný frá árinu 2003. Í yfirlýsingu sem þau birtu á vef ÍBV (og sjá má í heild sinni hér að neðan) í dag segja þau skiljanlegt að einstaka stjórnarmenn hafi meiri áhuga á einni íþróttagrein en annarri. Slík áhersla verði þó að víkja í aðalstjórn. Öðruvísi geti aðalstjórn ekki verið sameiningartákn félagsins. „Síðastliðið starfsár hefur verið með öðrum hætti en undanfarin ár og hefur aðalstjórn félagsins ekki verið það sameiningartákn og vettvangur samvinnu og samstarfs sem stjórnin á að vera. Að mati okkar ríkir ekki fullur vilji meðal allra aðalstjórnarmanna að gæta fyrst og síðast að heildarhagsmunum félagsins umfram sérhagsmuni deildar," segir í yfirlýsingu þeirra. Aðalstjórn ÍBV undanfarið ár má sjá hér að neðan. Kosið verður að nýju í stjórnina fimmtudaginn 18. apríl. Jóhann Pétursson, Formaður Páll Magnússon, Varaformaður Guðný Einarsdóttir, Gjaldkeri Þórunn Ingvarsdóttir, Ritari Stefán Örn Jónsson, Meðstjórnandi Páll Scheving Ingvarsson, Varamaður Sigurbergur Ármannsson, VaramaðurPáll MagnússonAllir stjórnarmenn félagsins að Páli Magnússyni, sem kjörinn var varaformaður aðalstjórnar fyrir ári, og Stefáni Erni Jónssyni undanskildum hafa tilkynnt að þeir gefi ekki áfram kost á sér. Stefán Örn vildi ekkert um málið segja þegar blaðamaður sló á þráðinn í dag. Þórunn Ingvarsdóttir, fráfarandi ritari félagsins, sagði að ástæðu sína þá sömu og hjá Guðnýju og Jóhanni. „Já, ætli það megi ekki segja það," sagði Þórunn. Hún vildi þó ekki tjá sig um málið frekar og vísaði á Guðnýju og Jóhann. Þegar blaðamaður náði tali af Guðnýju sagðist hún ekkert frekar vilja láta hafa eftir sér. Vísaði hún í yfirlýsingu þeirra Jóhanns. Dóra Björk Gunnarsdóttir, framkvæmdastjóri ÍBV, sagði í samtali við Vísi að það væri ekki hennar hlutverk að útskýra málið nánar. Það væri Guðnýjar og Jóhanns að tjá sig um málið. Aðspurð hvort málið tengdist eitthvað komu David James til félagsins sagði Dóra: „Við erum sátt við David. Við erum ekkert að æsa okkur yfir því." Fréttastofa hefur reynt að ná tali af Jóhanni Péturssyni og Páli Magnússyni í dag en án árangurs.Sportið á Vísi er komið á Facebook. Fylgstu með. Yfirlýsingin í heild sinniÁgætu félagar í ÍBV Íþróttafélagi Við undirrituð höfum starfað lengi fyrir ÍBV Íþróttafélag og komið að margs konar verkefnum fyrir félagið í gegnum tíðina. Við höfum bæði starfað um langa hríð í aðalstjórn félagsins, Guðný frá 2003, lengst af sem gjaldkeri og Jóhann frá árinu 2005 sem formaður. Leiðarljós okkar í því starfi hefur verið að gæta að heildarhagsmunum félagsins, hlúa að starfinu og öllum deildum jafnt, án þess að gengið sé á hlut annarra. Við höfum, í gegnum tíðina, starfað með mörgu góðu fólki í aðalstjórn sem hefur deilt þessum markmiðum með okkur. Margar ákvarðanir hafa verið teknar og fordæmi sett í góðri samvinnu allra aðalstjórnarmanna með málefnalegri umræðu og aðalstjórn því notið trausts og viðurkenningar alls félagsins. Eins og að framan er rakið þá er það forsenda þess að starfa í aðalstjórn, að okkar mati, sú að bera heildarhagsmuni félagsins sér fyrir brjósti. Það er oft þannig að einstaka stjórnarmaður getur haft meiri áhuga á einni íþróttagrein en annarri en í starfi sínu fyrir aðalstjórn verður slík áhersla að víkja. Aðalstjórn getur aldrei orðið sameiningartákn félagsins að öðrum kosti. Síðastliðið starfsár hefur verið með öðrum hætti en undanfarin ár og hefur aðalstjórn félagsins ekki verið það sameiningartákn og vettvangur samvinnu og samstarfs sem stjórnin á að vera. Að mati okkar ríkir ekki fullur vilji meðal allra aðalstjórnarmanna að gæta fyrst og síðast að heildarhagsmunum félagsins umfram sérhagsmuni deildar. Bæði höfum við haft áhuga á að sitja lengur í aðalstjórn en fullljóst þykir okkur nú að óbreytt ástand sé óviðunandi, jafnt fyrir okkur í aðalstjórn, sem og félagið í heild sinni. Eðlilegt er, ef gæta á að sérhagsmunum deilda í aðalstjórn umfram heildarhagsmuni félagsins, þá sé aðalstjórn skipuð mönnum og konum úr viðkomandi deildum sem koma þá að starfinu á þeim forsendum. Við undirrituð erum ekki reiðubúin til að gefa kost á okkur til endurkjörs í aðalstjórn á þessum grundvelli . Við lítum hins vegar stolt til baka og hefur margt áunnist fyrir okkar glæsilega félag í stjórnartíð okkar. Mikil uppbygging hefur átt sér stað og hefur t.a.m. risið knattspyrnuhús og stúka við aðalvöll félagsins. Þá hefur verið lagður sterkur grunnur að góðri Þjóðhátíð með markvissri uppbyggingu í Herjólfsdal. Einna stoltust erum við þó af því sterka barna- og unglingastarfi sem félagið hefur lagt áherslu á undanfarin ár. Er ÍBV þar í fararbroddi á landvísu og varð á síðasta ári fyrirmyndarfélag ÍSÍ. Til framtíðar teljum við mikilvægast að vinna að skuldalækkun félagsins en sú vinna er hafin m.a. með aðkomu Vestmannaeyjabæjar. Við teljum hins vegar að það verkefni verði mjög erfitt ef heildarhagsmunir félagsins eru ekki leiðarljósið innan aðalstjórnar. Við vitum að uppbygging félags eins og ÍBV Íþróttafélags gerist ekki nema vegna mikillar og fórnfúsar vinnu margra sem leggja mikið á og viljum að lokum þakka öllu því frábæra fólki sem við höfum unnið með hjá ÍBV Íþróttafélagi í gegnum tíðina. Við erum að sjálfsögðu ekki hætt að leggja þar hönd á plóg þó á öðrum vettvangi verði. Virðingarfyllst, Guðný Hrefna Einarsdóttir, Jóhann Pétursson Innlendar Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Dagur Dan kallaður inn í íslenska landsliðið Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti „Þetta er alvöru pakki og alvöru djobb“ Körfubolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Fleiri fréttir Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið „Þetta er alvöru pakki og alvöru djobb“ Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Dagskráin: Úrslitaleikur Meistaradeildarinnar á kvöldið Ólympíumeistarinn þarf að fara í kynjapróf til að fá að keppa Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid „Þakklát fyrir að vera á leið aftur inn í jafn frábært umhverfi“ Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Stórleikur Janusar og fimm marka forskot ekki nóg í Íslendingaslag um titilinn Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Hannes og lærisveinar hans töpuðu fyrsta úrslitaleiknum Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Ísland með flest verðlaun í Andorra Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Samstarf HSÍ og Rapyd heyrir sögunni til Mahomes ekki spenntur fyrir að keppa á ÓL Tilkynnti að hún yrði mamma fyrir stórleikinn við Ísland í kvöld Sjá meira
Aðeins tveir af sjö stjórnarmönnum í aðalstjórn ÍBV gefa kost á sér til áframhaldandi starfa. Óánægja ríkir á meðal stjórnarmanna sem segja ónefnda menn í stjórninni taka sérhagsmuni ákveðinna deilda fram yfir hagsmuni félagsins. Jóhann Pétursson, formaður ÍBV og Guðný Einarsdóttir, gjaldkeri félagsins, eru meðal þeirra sem hætta í stjórninni. Jóhann og Guðný hafa starfað lengi innan félagsins, Jóhann frá árinu 2005 og Guðný frá árinu 2003. Í yfirlýsingu sem þau birtu á vef ÍBV (og sjá má í heild sinni hér að neðan) í dag segja þau skiljanlegt að einstaka stjórnarmenn hafi meiri áhuga á einni íþróttagrein en annarri. Slík áhersla verði þó að víkja í aðalstjórn. Öðruvísi geti aðalstjórn ekki verið sameiningartákn félagsins. „Síðastliðið starfsár hefur verið með öðrum hætti en undanfarin ár og hefur aðalstjórn félagsins ekki verið það sameiningartákn og vettvangur samvinnu og samstarfs sem stjórnin á að vera. Að mati okkar ríkir ekki fullur vilji meðal allra aðalstjórnarmanna að gæta fyrst og síðast að heildarhagsmunum félagsins umfram sérhagsmuni deildar," segir í yfirlýsingu þeirra. Aðalstjórn ÍBV undanfarið ár má sjá hér að neðan. Kosið verður að nýju í stjórnina fimmtudaginn 18. apríl. Jóhann Pétursson, Formaður Páll Magnússon, Varaformaður Guðný Einarsdóttir, Gjaldkeri Þórunn Ingvarsdóttir, Ritari Stefán Örn Jónsson, Meðstjórnandi Páll Scheving Ingvarsson, Varamaður Sigurbergur Ármannsson, VaramaðurPáll MagnússonAllir stjórnarmenn félagsins að Páli Magnússyni, sem kjörinn var varaformaður aðalstjórnar fyrir ári, og Stefáni Erni Jónssyni undanskildum hafa tilkynnt að þeir gefi ekki áfram kost á sér. Stefán Örn vildi ekkert um málið segja þegar blaðamaður sló á þráðinn í dag. Þórunn Ingvarsdóttir, fráfarandi ritari félagsins, sagði að ástæðu sína þá sömu og hjá Guðnýju og Jóhanni. „Já, ætli það megi ekki segja það," sagði Þórunn. Hún vildi þó ekki tjá sig um málið frekar og vísaði á Guðnýju og Jóhann. Þegar blaðamaður náði tali af Guðnýju sagðist hún ekkert frekar vilja láta hafa eftir sér. Vísaði hún í yfirlýsingu þeirra Jóhanns. Dóra Björk Gunnarsdóttir, framkvæmdastjóri ÍBV, sagði í samtali við Vísi að það væri ekki hennar hlutverk að útskýra málið nánar. Það væri Guðnýjar og Jóhanns að tjá sig um málið. Aðspurð hvort málið tengdist eitthvað komu David James til félagsins sagði Dóra: „Við erum sátt við David. Við erum ekkert að æsa okkur yfir því." Fréttastofa hefur reynt að ná tali af Jóhanni Péturssyni og Páli Magnússyni í dag en án árangurs.Sportið á Vísi er komið á Facebook. Fylgstu með. Yfirlýsingin í heild sinniÁgætu félagar í ÍBV Íþróttafélagi Við undirrituð höfum starfað lengi fyrir ÍBV Íþróttafélag og komið að margs konar verkefnum fyrir félagið í gegnum tíðina. Við höfum bæði starfað um langa hríð í aðalstjórn félagsins, Guðný frá 2003, lengst af sem gjaldkeri og Jóhann frá árinu 2005 sem formaður. Leiðarljós okkar í því starfi hefur verið að gæta að heildarhagsmunum félagsins, hlúa að starfinu og öllum deildum jafnt, án þess að gengið sé á hlut annarra. Við höfum, í gegnum tíðina, starfað með mörgu góðu fólki í aðalstjórn sem hefur deilt þessum markmiðum með okkur. Margar ákvarðanir hafa verið teknar og fordæmi sett í góðri samvinnu allra aðalstjórnarmanna með málefnalegri umræðu og aðalstjórn því notið trausts og viðurkenningar alls félagsins. Eins og að framan er rakið þá er það forsenda þess að starfa í aðalstjórn, að okkar mati, sú að bera heildarhagsmuni félagsins sér fyrir brjósti. Það er oft þannig að einstaka stjórnarmaður getur haft meiri áhuga á einni íþróttagrein en annarri en í starfi sínu fyrir aðalstjórn verður slík áhersla að víkja. Aðalstjórn getur aldrei orðið sameiningartákn félagsins að öðrum kosti. Síðastliðið starfsár hefur verið með öðrum hætti en undanfarin ár og hefur aðalstjórn félagsins ekki verið það sameiningartákn og vettvangur samvinnu og samstarfs sem stjórnin á að vera. Að mati okkar ríkir ekki fullur vilji meðal allra aðalstjórnarmanna að gæta fyrst og síðast að heildarhagsmunum félagsins umfram sérhagsmuni deildar. Bæði höfum við haft áhuga á að sitja lengur í aðalstjórn en fullljóst þykir okkur nú að óbreytt ástand sé óviðunandi, jafnt fyrir okkur í aðalstjórn, sem og félagið í heild sinni. Eðlilegt er, ef gæta á að sérhagsmunum deilda í aðalstjórn umfram heildarhagsmuni félagsins, þá sé aðalstjórn skipuð mönnum og konum úr viðkomandi deildum sem koma þá að starfinu á þeim forsendum. Við undirrituð erum ekki reiðubúin til að gefa kost á okkur til endurkjörs í aðalstjórn á þessum grundvelli . Við lítum hins vegar stolt til baka og hefur margt áunnist fyrir okkar glæsilega félag í stjórnartíð okkar. Mikil uppbygging hefur átt sér stað og hefur t.a.m. risið knattspyrnuhús og stúka við aðalvöll félagsins. Þá hefur verið lagður sterkur grunnur að góðri Þjóðhátíð með markvissri uppbyggingu í Herjólfsdal. Einna stoltust erum við þó af því sterka barna- og unglingastarfi sem félagið hefur lagt áherslu á undanfarin ár. Er ÍBV þar í fararbroddi á landvísu og varð á síðasta ári fyrirmyndarfélag ÍSÍ. Til framtíðar teljum við mikilvægast að vinna að skuldalækkun félagsins en sú vinna er hafin m.a. með aðkomu Vestmannaeyjabæjar. Við teljum hins vegar að það verkefni verði mjög erfitt ef heildarhagsmunir félagsins eru ekki leiðarljósið innan aðalstjórnar. Við vitum að uppbygging félags eins og ÍBV Íþróttafélags gerist ekki nema vegna mikillar og fórnfúsar vinnu margra sem leggja mikið á og viljum að lokum þakka öllu því frábæra fólki sem við höfum unnið með hjá ÍBV Íþróttafélagi í gegnum tíðina. Við erum að sjálfsögðu ekki hætt að leggja þar hönd á plóg þó á öðrum vettvangi verði. Virðingarfyllst, Guðný Hrefna Einarsdóttir, Jóhann Pétursson
Innlendar Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Sjáðu frábæra afgreiðslu Sveindísar Jane Fótbolti Dagur Dan kallaður inn í íslenska landsliðið Fótbolti Dagskráin: Úrslitaleikur Meistaradeildarinnar á kvöldið Sport Mikil öryggisgæsla í París þótt að úrslitaleikurinn fari fram í München Fótbolti „Þetta er alvöru pakki og alvöru djobb“ Körfubolti Ancelotti: Brasilíska landsliðið mitt mun spila eins og Real Madrid Fótbolti „Þakklát fyrir að vera á leið aftur inn í jafn frábært umhverfi“ Körfubolti Fleiri fréttir Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið „Þetta er alvöru pakki og alvöru djobb“ Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Dagskráin: Úrslitaleikur Meistaradeildarinnar á kvöldið Ólympíumeistarinn þarf að fara í kynjapróf til að fá að keppa Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid „Þakklát fyrir að vera á leið aftur inn í jafn frábært umhverfi“ Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Stórleikur Janusar og fimm marka forskot ekki nóg í Íslendingaslag um titilinn Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Hannes og lærisveinar hans töpuðu fyrsta úrslitaleiknum Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Ísland með flest verðlaun í Andorra Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Samstarf HSÍ og Rapyd heyrir sögunni til Mahomes ekki spenntur fyrir að keppa á ÓL Tilkynnti að hún yrði mamma fyrir stórleikinn við Ísland í kvöld Sjá meira