Jafntefli í stórslagnum í Leverkusen

Tony Kroos og Sidney Sam skoruðu mörk Bayern München og Bayer Leverkusen í stórslag dagsins í þýsku úrvalsdeildinni í knattspyrnu í dag.

Franck Ribery lagði upp fyrra mark leiksins fyrir Kroos eftir hálftíma leik. Gestirnir gátu þó aðeins fagnað forystunni í innan við eina mínútu. Sindey Sam jafnaði metin þá fyrir heimamenn í Leverkusen.

Það var Bæjurum til happs að Borussia Dortmund fór sneipuför til Gladbach þar sem heimamenn unnu 2-0 sigur. Bæjarar halda því efsta sætinu með 20 stig en Dortmund hefur 19 stig.

Leverkusen hefur sömuleiðis 19 stig í þriðja sæti og Gladbach deilir því fjórða með Hannover 96.

Úrslit dagsins

Schalke 4-1 Augsburg

Stuttgart 1-1 Werder Bremen

Wolfsburg 0-2 Eintracht Braunschweiger

Mainz 05 2-2 Hoffenheim