Aðeins Denver og Kansas hafa unnið alla sína leiki

Aðeins tvö lið í NFL-deildinni hafa unnið alla sína leiki þegar sex umferðir eru búnar af deildarkeppninni. Það eru lið Denver Broncos og Kansas City Chiefs en þau eru í sama riðli í Ameríkudeildinni.

Denver vann ekki þann risasigur sem búist var við gegn Jacksonville í gær en sigurinn engu að síður mjög sannfærandi.

Árangur Kansas kemur allra liða mest á óvart en liðið var með lélegasta árangurinn í deildinni í fyrra.

New England hefur komið skemmtilega á óvart en leikstjórnandi liðsins, Tom Brady, hefur náð ótrúlega miklu út úr ungum, lítt þekktum og óreyndum útherjum liðsins. Brady tryggði liðinu ævintýralegan sigur undir lok leiksins gegn New Orleans í nótt.

Úrslit:

Baltimore-Green Bay  17-19

Buffalo-Cincinnati  24-27

Cleveland-Detroit  17-31

Houston-St. Louis  13-38

Kansas City-Oakland  24-7

Minnesota-Carolina  10-35

NY Jets-Pittsburgh  6-19

Tampa Bay-Philadelphia  20-31

Denver-Jacksonville  35-19

Seattle-Tennessee  20-13

New England-New Orleans  30-27

San Francisco-Arizona  32-20

Dallas-Washington  31-16

Í nótt:

San Diego - Indianapolis

Staðan í NFL-deildinni.