Rússar segja að viðskiptaþvinganir muni hafa afleiðingar

Rússar segja að viðskiptaþvinganir vesturveldanna, sem Íslendingar eru aðilar að og eru tilkomnar vegna deilunnar um Krímskaga, séu óásættanlegar og að þær muni hafa afleiðingar.

Þetta kom fram í símtali Sergei Lavrovs utanríkisráðherra Rússa til kollega síns í Bandaríkjunum, John Kerry, í gærkvöldi.

Lavrov segir að íbúar Krímskaga hafi tekið lýðræðislega ákvörðun um að ganga Rússum á hönd og að sú ákvörðun hafi verið í fullu samræmi við alþjóðalög.

Viðskiptaþvinganir vesturveldanna myndu hinsvegar hafa afleiðingar, en ráðherrann fór ekki nánar út í hverjar þær afleiðingar verði.