Norska úrvalsdeildin í fótbolta kláraðist í gær þegar lokaumferðin fór fram.
Íslendingar voru í stórum hlutverkum í norsku deildinni á tímabilinu, þó enginn eins og Viðar Örn Kjartansson.
Selfyssingurinn sem gekk til liðs við Vålerenga frá Fylki í fyrra skoraði 25 mörk í 29 leikjum á sínu fyrsta tímabili í atvinnumennsku og stóð uppi sem markahæsti leikmaður norsku úrvalsdeildarinnar.
Í gær valdi norski vefmiðilinn Nettavisen Viðar leikmann ársins í norsku deildinni, en í umsögn miðilsins segir að Selfyssingurinn minni um margt á Ole Gunnar Solkjær, fyrrverandi framherja Manchester United og norska landsliðsins. Viðar var einnig valinn í lið ársins hjá sama miðli.
Martin Ødegaard, leikmaður Strømsgodset, var valinn besti ungi leikmaðurinn, en þessi 15 ára strákur sló í gegn á sínu fyrsta tímabili í efstu deild. Ødegaard var verðlaunaður með sæti í landsliðinu og þreytti frumraun sína með því gegn Sameinuðu arabísku furstadæmunum í lok ágúst.
Þá var Dag-Eilev Fagermo, þjálfari Odd, valinn þjálfari ársins. Odd átti frábært tímabil, endaði í þriðja sæti deildarinnar, auk þess sem liðið er komið í bikarúrslit þar sem það mætir Molde 23. nóvember næstkomandi.
Viðar Örn leikmaður ársins hjá Nettavisen | Sagður minna á Solskjær
Tengdar fréttir
Sogndal féll | Pálmi skoraði sitt níunda mark
Lokaumferð norsku úrvalsdeildarinnar í fótbolta er nýlokið.
Creed-lagið með Viðari komið út - hægt að kaupa það í iTunes
Markahæsti leikmaður norsku úrvalsdeildarinnar í fótbolta safnar pening fyrir félagið með því að gefa út lag.
Bankað á dyrnar í Belgíu
Íslenska fótboltalandsliðið er komið upp í 28. sæti á FIFA-listanum og það er allt annað en auðvelt að vinna sér sæti í byrjunarliði Lars Lagerbäck og Heimis Hallgrímssonar. Fréttablaðið skoðar í dag hvaða leikmenn eiga möguleika á sæti í liðinu.
Íslensku leikmennirnir komnir með 70 mörk í Noregi
Pálmi Rafn Pálmason og Sverrir Ingi Ingason voru báðir á skotskónum í norsku úrvalsdeildinni í fótbolta í gær en Pálmi Rafn skoraði þrennu fyrir Lilleström á móti Start.
Viðar Örn á fimmtánda vinsælasta lagið í Noregi
Sóknarmaðurinn slær í gegn með Creed-ábreiðu.
Viðar Örn syngur Creed-lag inn á plötu til styrktar Vålerenga
Selfyssingurinn hjálpar til í herferð félagsins að safna pening og fá fólkið til að fjárfesta.
Viðar og Ronaldo í baráttunni um gullskó Evrópu
Viðar Örn Kjartansson og Cristiano Ronaldo eru báðir meðal þriggja hæstu á listanum yfir markahæstu leikmenn Evrópu á tímabilinu 2014-15 en sigurvegarinn hlýtur að launum Gullskó Evrópu.
Hörður Björgvin eini nýliðinn
Litlar breytingar á íslenska landsliðinu fyrir leikina gegn Belgíu og Tékklandi.
