Forritið sem notað var í árásinni á Sony var skrifað á tölvu sem stillt var á kóresku. Þetta eru niðurstöður rannsóknar öryggisfyrirtækisins AlienVault á forritinu. AlienVault fann forritið út frá kóðaupplýsingum sem bandaríska alríkislögreglan FBI birti í kjölfar árásarinnar. The Verge fjallar um málið.
Þetta þykir renna stoðum undir kenningar um að norðurkóresk stjórnvöld hafi staðið á bak við árásina. Norðurkóreskur embættismaður hefur hinsvegar neitað að stjórnvöld í Pyongyang hafi átt þátt í henni.
Sjá einnig: Birtu laun Rogen og Franco fyrir The Interview
Rannsóknarteymi AlienVault hefur komist að þeirri niðurstöðu að forritið hafi verið útbúið dagana 22.-24. nóvember. Það er nokkrum dögum áður en árásin sjálf var gerð.
Stjórnvöld í Pyongyang hafa opinberlega mótmælt framleiðslu og fyrirhugaðri sýningu myndarinnar The Interview en söguþráður myndarinnar snýst um að ráða Kim Jong Un, einræðisherra í Norður-Kóreu, af dögunum.
Forritið sem um ræðir var notað til að eyða gögnum af gagnaþjónum Sony.
Forritið sem felldi Sony var skrifað á kóreska tölvu
Tengdar fréttir
Birtu laun Rogen og Franco fyrir The Interview
Hakkarar sem taldir eru vera tengdir Norður-Kóreu birtu í dag laun leikaranna fyrir myndina The Interview.
Óbirtum kvikmyndum stolið frá Sony og settar á netið
Norður Kórea neitar ekki að hafa staðið að baki netárás á kerfi Sony.
