Aron Kristjáns: Björgvin verður góður jóker Henry Birgir Gunnarsson skrifar 1. nóvember 2014 10:00 Róbert Gunnarsson mætti nýrakaður og vel klipptur til leiks gegn Ísrael. Hann átti virkilega flottan leik þar og heldur vonandi uppteknum hætti í Bar í Svartfjallalandi en þangað ætla strákarnir að sækja tvö stig. Vísir/Vilhelm „Það er fín staða á öllu liðinu fyrir utan að Alexander Petersson er eitthvað slappur. Hann verður vonandi búinn að jafna sig fyrir leik,“ segir Aron Kristjánsson landsliðsþjálfari en hann hélt utan ásamt liði sínu í gær. Fram undan er gríðarlega mikilvægur leikur gegn Svartfellingum í Bar á sunnudag. Þetta er annar leikur þjóðanna í undankeppni EM. Ísland byrjaði undankeppnina vel með stórsigri á Ísrael á meðan Svartfellingar töpuðu með fjórum mörkum, 25-21, gegn Serbum í Belgrad. Þetta eru þau þrjú lið í riðlinum sem munu klárlega bítast um farseðlana tvo á EM. Leikurinn ytra er því afar mikilvægur. Ferðalag íslenska liðsins til Bar er afar sérstakt. Strákarnir flugu til Kaupmannahafnar eftir hádegi í gær og gistu þar í nótt. Í morgun var síðan lagt af stað til Svartfjallalands. Flogið var til Belgrad, þaðan farið til Podgorica og loks tekur við klukkutíma rútuferð til Bar. „Við komum um miðjan daginn og náum æfingu seinni partinn sem er fínt. Með þessu missir liðið ekki mikinn svefn og okkur finnst þetta vera fínt fyrirkomulag,“ segir þjálfarinn.Nýtt lið hjá heimamönnum Svartfellingar eru óskrifað blað að mörgu leyti enda búið að stokka liðið aðeins upp. Yngja það. „Það eru komnir yngri og stærri leikmenn inn í liðið. Það eru meiri skyttur. Hættulegir einstaklingar en nýtt lið í leikskipulagi. Þeir eru með mjög sterkan markvörð og spiluðu 5-1 vörn gegn Serbum,“ segir Aron en hann er búinn að horfa á leikinn gegn Serbum og segir leik liðsins hafa breyst með nýjum mönnum. Það er alltaf erfitt að fara til Belgrad og spila gegn Serbum. Svartfellingar stóðu þó í þeim lengi vel og það gefur nokkra vísbendingu um styrkleika liðsins. „Það var hörkuleikur en dómgæslan hallaði aðeins á Svartfellingana. Svartfellingar bitu frá sér og sýndu að þeir geta ýmislegt.“ Aron gerði þrjár breytingar á hópnum milli leikja. Ásgeir Örn Hallgrímsson, Björgvin Hólmgeirsson og Kári Kristján Kristjánsson koma inn í hópinn á kostnað Arnórs Þórs Gunnarssonar, Ernis Hrafns Arnarsonar og Gunnars Steins Jónssonar.Sigurbergur Sveinsson.Vísir/VilhelmTaktískar breytingar „Þetta eru taktískar breytingar. Ásgeir gat komið í þennan leik þar sem konan hans er búin að eiga. Í leiknum gegn Ísrael var ég að reyna að vera með tvo menn í hverri stöðu svo ég gæti dreift álaginu. Svartfellingar eru sterkari og hávaxnari þannig að við þurfum öðruvísi leikmenn. Kári er líkamlega sterkur og góður á línunni gegn stærri mönnum. Ég vildi því fá meiri þyngd á línuna hjá okkur,“ segir Aron en hann tekur hinn lítt reynda Björgvin einnig með í þetta erfiða verkefni. „Við erum með Arnór og Snorra sem eru báðir sterkir miðjumenn og okkur fannst kannski vanta meiri skotógnun utan af velli ef við lendum í vandræðum. Við erum því með góðan jóker í Björgvini. Sigurbergur er svo líka í flottu formi. Það er mikilvægt að hafa svona stráka í hópnum. Það gefur okkur meiri vídd í sóknarleikinn þegar við erum án Arons Pálmarssonar.“Líkamlega erfiður leikur Landsliðsþjálfarinn veit sem er að leikurinn verður mjög erfiður og hann gerir ráð fyrir mótlæti. „Þetta er leikur sem verður líkamlega erfiður. Það verða átök og þeir fastir fyrir og baráttuglaðir á heimavelli. Þessir Balkanþjóðir eru oftast mun sterkari á heimavelli en á útivelli. Við munum selja okkur dýrt og vitum að við verðum að eiga mjög góðan leik til þess að taka tvö stig í Bar.“ Íslenski handboltinn Handbolti Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Drónabannið í Danmörku skapar vandamál fyrir fótboltafélögin Fótbolti Lausanne - Breiðablik 3-0 | Enn stigalausir á stóra sviðinu Fótbolti FIFA: Donald Trump ræður engu um það Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Fleiri fréttir Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Íslendingaliðið í undanúrslit Tilfinningaþrungin stund eftir hörmungar síðustu ára Haukur með flestar stoðsendingar í Þýskalandi Íslendingarnir skutu Ringsted áfram Magdeburg fataðist flugið og Bjarki Már í úrslit Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals Sjá meira
„Það er fín staða á öllu liðinu fyrir utan að Alexander Petersson er eitthvað slappur. Hann verður vonandi búinn að jafna sig fyrir leik,“ segir Aron Kristjánsson landsliðsþjálfari en hann hélt utan ásamt liði sínu í gær. Fram undan er gríðarlega mikilvægur leikur gegn Svartfellingum í Bar á sunnudag. Þetta er annar leikur þjóðanna í undankeppni EM. Ísland byrjaði undankeppnina vel með stórsigri á Ísrael á meðan Svartfellingar töpuðu með fjórum mörkum, 25-21, gegn Serbum í Belgrad. Þetta eru þau þrjú lið í riðlinum sem munu klárlega bítast um farseðlana tvo á EM. Leikurinn ytra er því afar mikilvægur. Ferðalag íslenska liðsins til Bar er afar sérstakt. Strákarnir flugu til Kaupmannahafnar eftir hádegi í gær og gistu þar í nótt. Í morgun var síðan lagt af stað til Svartfjallalands. Flogið var til Belgrad, þaðan farið til Podgorica og loks tekur við klukkutíma rútuferð til Bar. „Við komum um miðjan daginn og náum æfingu seinni partinn sem er fínt. Með þessu missir liðið ekki mikinn svefn og okkur finnst þetta vera fínt fyrirkomulag,“ segir þjálfarinn.Nýtt lið hjá heimamönnum Svartfellingar eru óskrifað blað að mörgu leyti enda búið að stokka liðið aðeins upp. Yngja það. „Það eru komnir yngri og stærri leikmenn inn í liðið. Það eru meiri skyttur. Hættulegir einstaklingar en nýtt lið í leikskipulagi. Þeir eru með mjög sterkan markvörð og spiluðu 5-1 vörn gegn Serbum,“ segir Aron en hann er búinn að horfa á leikinn gegn Serbum og segir leik liðsins hafa breyst með nýjum mönnum. Það er alltaf erfitt að fara til Belgrad og spila gegn Serbum. Svartfellingar stóðu þó í þeim lengi vel og það gefur nokkra vísbendingu um styrkleika liðsins. „Það var hörkuleikur en dómgæslan hallaði aðeins á Svartfellingana. Svartfellingar bitu frá sér og sýndu að þeir geta ýmislegt.“ Aron gerði þrjár breytingar á hópnum milli leikja. Ásgeir Örn Hallgrímsson, Björgvin Hólmgeirsson og Kári Kristján Kristjánsson koma inn í hópinn á kostnað Arnórs Þórs Gunnarssonar, Ernis Hrafns Arnarsonar og Gunnars Steins Jónssonar.Sigurbergur Sveinsson.Vísir/VilhelmTaktískar breytingar „Þetta eru taktískar breytingar. Ásgeir gat komið í þennan leik þar sem konan hans er búin að eiga. Í leiknum gegn Ísrael var ég að reyna að vera með tvo menn í hverri stöðu svo ég gæti dreift álaginu. Svartfellingar eru sterkari og hávaxnari þannig að við þurfum öðruvísi leikmenn. Kári er líkamlega sterkur og góður á línunni gegn stærri mönnum. Ég vildi því fá meiri þyngd á línuna hjá okkur,“ segir Aron en hann tekur hinn lítt reynda Björgvin einnig með í þetta erfiða verkefni. „Við erum með Arnór og Snorra sem eru báðir sterkir miðjumenn og okkur fannst kannski vanta meiri skotógnun utan af velli ef við lendum í vandræðum. Við erum því með góðan jóker í Björgvini. Sigurbergur er svo líka í flottu formi. Það er mikilvægt að hafa svona stráka í hópnum. Það gefur okkur meiri vídd í sóknarleikinn þegar við erum án Arons Pálmarssonar.“Líkamlega erfiður leikur Landsliðsþjálfarinn veit sem er að leikurinn verður mjög erfiður og hann gerir ráð fyrir mótlæti. „Þetta er leikur sem verður líkamlega erfiður. Það verða átök og þeir fastir fyrir og baráttuglaðir á heimavelli. Þessir Balkanþjóðir eru oftast mun sterkari á heimavelli en á útivelli. Við munum selja okkur dýrt og vitum að við verðum að eiga mjög góðan leik til þess að taka tvö stig í Bar.“
Íslenski handboltinn Handbolti Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Drónabannið í Danmörku skapar vandamál fyrir fótboltafélögin Fótbolti Lausanne - Breiðablik 3-0 | Enn stigalausir á stóra sviðinu Fótbolti FIFA: Donald Trump ræður engu um það Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Utan vallar: Er FH að endurtaka stærstu mistök í sögu félagsins? Íslenski boltinn Töpuðu fyrir Íslandi en ekki í Meistaradeildinni Fótbolti Fleiri fréttir Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Íslendingaliðið í undanúrslit Tilfinningaþrungin stund eftir hörmungar síðustu ára Haukur með flestar stoðsendingar í Þýskalandi Íslendingarnir skutu Ringsted áfram Magdeburg fataðist flugið og Bjarki Már í úrslit Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals Sjá meira