Xavi Hernández, miðjumaður Barcelona, er búinn að ganga frá þriggja ára samning við katarska liðið Al Sadd SC og gengur í raðir liðsins í sumar.
Frá þessu greinir spænska íþróttablaðið AS, en Xavi tekur sæti Real Madrid-goðsagnarinnar Raúl hjá Al Sadd. Raúl hefur spilað með katarska liðinu síðan hann kom frá Schalke í Þýskalandi.
Xavi fær tíu milljónir Evra á ári fyrir að spila með Al Sadd og er möguleiki á að framlengja samninginn um eitt ár.
Auk þess að spila með liðinu mun Xavi sinna störfum á borð við að vera ráðgjafi hjá Aspire-íþróttaskólanum sem er einn sá flottasti í heimi.
Xavi, sem á að baki 748 leiki fyrir Barcelona á 17 árum, var einnig með samningstilboð frá liðum í Bandaríkjunum en ákvað að fara til Katar.
Fram kemur í frétt AS að Xavi ætli einnig að ná sér í þjálfunargráðu á meðan dvöl hans í Katar stendur.
Xavi fer frá Barcelona til Katar
Tómas Þór Þóraðrson skrifar

Mest lesið

Segja Andra Lucas til sölu
Fótbolti


Man City að fá einn efnilegasta miðjumann Evrópu
Enski boltinn




Tottenham festir fyrstu kaup í stjóratíð Frank
Enski boltinn



„Mjög ryðguð en furðu fljótt fór rykið af mér“
Íslenski boltinn