Fjögurra ára gamalt árshátíðarmyndband Icelandair vekur athygli

Fjögurra ára gamalt myndband sem gert var í tilefni árshátíðar Icelandair árið 2011 hefur skotist upp á stjörnuhimininn á nýjan leik. Á Facebook-síðunni The Aviation Hub, sem birtir reglulega myndbönd tengd flugi, hefur myndbandið fengið yfir 200 þúsund áhorf á rúmri viku.

Heimir Helgason, Pétur Lentz og Snorri Bjarnvin Jónsson gerðu myndbandið en í því leikur Björn Ingi Hafliðason flugstjóra sem er ekki allur sem hann er séður. Utan vallar virðist hann spila sig sem flugstjóra en er þó í öðru hlutverki í flugvélinni sjálfri þegar allt kemur til alls.

Myndbandið er spaugilegt en undir hljómar karókí útgáfa af Eurovision-laginu „This is my life.“ Að neðan má sjá myndbandi og einnig myndband með gerð myndbandsins.

185 þúsund hafa horft á myndbandið á YouTube sem ber titilinn Captain Gorgeous.

Uppfært: Myndbandið hefur verið fjarlægt af YouTube en það má þó sjá hér að neðan.