Samkvæmt grískum fjölmiðlum er reiknað með því að gengið verði frá lánssamningi Alfreðs Finnbogasonar til PAOK í Grikklandi í vikunni. Alfreð er á mála hjá Real Sociedad á Spáni.
El Diario Vasco greinir frá því að Alfreð hafi misst af æfingu Real Sociedad í gær en hann hefur þótt koma af miklum krafti inn í undirbúningstímabilið.
Fullyrt er í frétt blaðsins að Alfreð hafi gengið frá samkomulagi þess efnis að hann fari til PAOK fyrir nokkrum vikum síðan og að Frank Arnesen, yfirmaður íþróttamála hjá PAOK, hafi lagt mikla áherslu á að fá hann.
Igor Tudor, fyrrum leikmaður Juventus, var í sumar ráðinn þjálfari PAOK sem hafnaði í fimmta sæti grísku úrvalsdeildarinnar í fyrra.
Alfreð sagður fara til PAOK í vikunni
Tengdar fréttir
PAOK gengur hart á eftir Alfreð
Frank Arnesen er ekki búinn að gefast upp á að fá landsliðsframherjann að sögn spænskra fjölmiðla.
Alfreð á leið til Grikklands
Alfreð Finnbogason, framherji Real Sociedad og íslenska landsliðsins, er sagur vera á leið til PAOK á eins árs lánssamningi, en þetta kemur fram í grískum fjölmiðlum.
