Lauflétt fyrir Aron og hans menn

Aron Pálmarsson skoraði þrjú mörk fyrir ungverska liðið Veszprem sem fór létt með Spartak Vojput frá Serbíu í austur-evrópsku SEHA-deildinni.

Veszprem var að spila sinn þriðja leik í röð á jafn mörgum dögum í deildinni en liðið hefur unnið þá alla örugglega. Veszprem er efst í deildinni með fullt hús stiga eftir sex leiki.

Aron gaf eina stoðsendingu í leiknum en markahæstur í liði VEszprem var Gasper Marguc með níu mörk.

Alls eru tíu lið í deildinni frá átta löndum í austurhluta Evrópu. Spartak Vojput er í sjöunda sætinu með sjö stig.