Martin Hermannsson var magnaður þegar Ísland tryggði sér sæti á EM 2017 með sex stiga sigri, 74-68, á Belgum í dag.
Martin var stigahæstur í íslenska liðinu með 18 stig og gaf auk þess fimm skotsendingar.
„Ég þarf nokkrar mínútur til að átta mig á þessu,“ sagði Martin í samtali við Vísi eftir leik.
„Við sýndum þvílíkan karakter og hjarta í dag og þetta small allt saman.“
Martin sagði Ísland hafa spilað frábærlega í seinni hálfleiknum.
„Fyrri hálfleikurinn á móti Sviss og seinni hálfleikurinn í dag eru tveir bestu hálfleikir sem ég hef séð landsliðið spila,“ sagði Martin sem sagði enga hræðslu eða óöryggi hafa komið upp í íslenska liðinu þegar Belgar komust 14 stigum yfir í fyrri hálfleik.
„Nei, við hittum oft illa til að byrja með. En við héldum bara áfram og okkur langaði mikið á EM.
„Þetta er í annað skiptið sem við komust þangað. Ég þekki ekkert annað en að fara á EM með landsliðinu,“ sagði Martin kátur að lokum.
Martin: Þekki ekkert annað en að fara á EM
Tengdar fréttir
Guðni forseti og Kristófer féllust í faðma
Skemmtileg uppákoma fyrir leik Íslands og Belgíu í unndankeppni EM 2017.
Kristófer: Shout-out á Guðna
Kristófer Acox kom eins og stormsveipur inn í íslenska landsliðið í undankeppni EM 2017. Hann fékk ekki leyfi til að fara á EM í fyrra en ætlar að sjálfsögðu að vera með á næsta ári.
Jón Arnór: Sérstakt að gera þetta tvisvar í röð
Jón Arnór Stefánsson skoraði síðustu fjögur stig Íslands í sigrinum á Belgíu í Laugardalshöllinni í dag. Með sigrinum tryggði Ísland sér sæti á EM, annað skiptið í röð.
