Umdeild ákvörðun dómara færði Seattle sigur á Atlanta | Myndbönd Eiríkur Stefán Ásgeirsson skrifar 17. október 2016 08:00 Julio Jones og Richard Sherman í leiknum í gær. Vísir/Getty Eitt besta varnarlið deildarinnar hafði betur gegn besta sóknarliðinu er Seattle Seahawks vann sigur á Atlanta Falcons í dramatískum leik í NFL-deildinni í gær, 26-24. Sjáðu það helsta úr leiknum hér. Sigurinn var þó afar umdeildur þar sem dómarar leiksins þóttu sleppa augljósu víti á varnarmanninn Richard Sherman á lokamínútum leiksins í gær. Sherman var þá að gæta útherjans Julio Jones sem náði ekki að grípa sendingu frá Matt Ryan, leikstjórnanda Atlanta. Endursýningar í sjónvarpi sýndu að Sherman hélt í Jones, sem er ólöglegt og verðskuldaði líklega víti. Vítið hefði komið Atlanta í vallarmarksstöðu sem hefði mjög líklega dugað til sigurs í leiknum. Viðbrögð Dan Quinn, þjálfara Atlanta, sögðu allt sem segja þurfti en hann var brjálaður vegna dómgæslunnar. Quinn, sem þjálfaði áður varnarlið Seattle, vildi lítið sem ekkert segja um atvikið eftir leik en bæði lið hafa nú unnið fjóra leiki á tímabilinu - Seattle hefur þó aðeins tapað einum leik en þetta var annað tap Atlanta í ár.Dak Prescott fagnar í gær.Vísir/GettyPrescott eða Romo? Dak Prescott heldur áfram að gera frábæra hluti sem leikstjórnandi Dallas Cowboys en liðið hafði betur gegn Green Bay Packers, 30-16, á Lambeau Field í gærkvöldi. Hér er samantekt úr leiknum. Þetta var fimmti sigur Dallas á tímabilinu og óhætt að segja að nýliðinn Prescott hefur tekist að leysa Tony Romo, sem meiddist á undirbúningstímabilinu, af hólmi með glans. Eitt helsta umræðuefni NFL-deildarinnar þessa dagana er hvort að Romo eigi að fá byrjunarliðssætið sitt aftur eftir að hann verður leikfær á nýjan leik. Prescott kláraði átján af 27 sendingum sínum í leiknum fyrir 247 jördum og þremur snertimörkum. Hann kastaði einnig boltanum frá sér til andstæðings í fyrsta sinn á ferlinum en enginn leikmaður hefur hafið ferilinn á jafn mörgum heppnuðum sendingum og Prescott. Prescott komst í gegnum 176 sendingar áður en andstæðingur komst inn í sendingu hans en bætti hann þar með met Tom Brady.Gronkowski í leiknum í nótt.Vísir/GettyEngin miskunn hjá Brady Brady og hans menn í New England Patriots eru einnig komnir í fimm sigra á tímabilinu eftir nokkuð öruggan sigur á Cincinnati Bengals, 35-17. Þetta var fyrsti leikur Brady á heimavelli eftir fjögurra leikja bann hans sem hann tók út í upphafi tímabilsins. Brady klikkaði aðeins á sex af 35 sendingum sínum í gær en hann kastaði fyrir 376 jördum og þremur snertimörkum. Innherjinn Rob Gronkowski átti einnig frábæran leik en hann var með 162 jarda og eitt snertimark. Carolina Panthers, sem tapaði fyrir Denver Broncos í Super Bowl í febrúar, heldur hins vegar áfram að tapa leikjum. Í þetta sinn fyrir New Orleans Saints, 41-38, í æsispennandi leik þar sem Wil Lutz, sparkari Saints, tryggði sínum mönnum sigur seint í leiknum. Panthers hefur aðeins unnið einn leik á tímabilinu og tapað fimm. Þrjú lið hafa unnið fimm leiki, Patriots, Cowboys og Minnesota Vikings sem hefur enn ekki tapað leik. Víkingarnir voru í fríi þessa helgina og spiluðu því ekki.Úrslit gærdagsins: Buffalo - San Francisco 45-16 Chicago - Jacksonville 16-17 Detroit - LA Rams 31-28 Miami - Pittsburgh 30-15 New England - Cincinnati 35-17 New Orleans - Carolina 41-38 NY Giants - Baltimore 27-23 Tennessee - Cleveland 28-26 Washington - Philadelphia 27-20 Oakland - Kansas City 26-10 Green Bay - Dallas 16-30 Seattle - Atlanta 26-24 Houston - Indianapolis 26-23 NFL Mest lesið Kemur dómaranefnd til varnar og hnýtir í Jón og tvíburana Körfubolti Segir Liverpool ekki spila eins og topplið: Spila körfubolta en ekki fótbolta Enski boltinn Sjáðu kinnhestinn sem felldi Liverpool og þrennu Mbappe Fótbolti Áhrif NFL á ensku úrvalsdeildina: „Eins og heill leikur af föstum leikatriðum“ Enski boltinn Vilja ekki að merki þeirra sé á búningum Ísraelsliðsins Fótbolti Svaf í tuttugu tíma á dag eftir slysið Sport Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn Craig Pedersen heldur áfram með íslenska landsliðið Körfubolti Fékk óvart rautt spjald Enski boltinn Fleiri fréttir Drama í sænska landsliðinu: „Hann hefur svikið liðsfélaga sína“ Haukur með flestar stoðsendingar í Þýskalandi Kaupa einn frægasta leikvang heims til þess að rífa hann Barcelona verður ekki refsað þótt þeir kaupi ekki Rashford Kemur dómaranefnd til varnar og hnýtir í Jón og tvíburana Var Vinícius Júnior kallaður api eða kjáni? Sjáðu kinnhestinn sem felldi Liverpool og þrennu Mbappe Svaf í tuttugu tíma á dag eftir slysið Segir Liverpool ekki spila eins og topplið: Spila körfubolta en ekki fótbolta Vilja ekki að merki þeirra sé á búningum Ísraelsliðsins Craig Pedersen heldur áfram með íslenska landsliðið Snoop Dogg aftur á leiðinni á Ólympíuleika Áhrif NFL á ensku úrvalsdeildina: „Eins og heill leikur af föstum leikatriðum“ Fékk óvart rautt spjald Dagskráin í dag: Stórleikir í Meistaradeildinni ásamt Bestu og Bónus „Síðan koma raddir um að þetta sé ekkert svo alvarlegt“ Grindvíkingar horfa áfram út fyrir landsteinana Tottenham bjargaði stigi í Noregi KR vann nýliðaslaginn Meistararnir byrja á góðum sigri „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni „Gott að láta ekki mótlæti brjóta sig niður“ Heimir yfirgefur FH að tímabilinu loknu Íslendingarnir skutu Ringsted áfram Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Stjarnan - Njarðvík 64-81 | Reynslan skilaði gestunum sigri Uppgjörið: Þróttur - Breiðablik 3-2 | Aftur mistókst Blikum að tryggja titilinn Sjá meira
Eitt besta varnarlið deildarinnar hafði betur gegn besta sóknarliðinu er Seattle Seahawks vann sigur á Atlanta Falcons í dramatískum leik í NFL-deildinni í gær, 26-24. Sjáðu það helsta úr leiknum hér. Sigurinn var þó afar umdeildur þar sem dómarar leiksins þóttu sleppa augljósu víti á varnarmanninn Richard Sherman á lokamínútum leiksins í gær. Sherman var þá að gæta útherjans Julio Jones sem náði ekki að grípa sendingu frá Matt Ryan, leikstjórnanda Atlanta. Endursýningar í sjónvarpi sýndu að Sherman hélt í Jones, sem er ólöglegt og verðskuldaði líklega víti. Vítið hefði komið Atlanta í vallarmarksstöðu sem hefði mjög líklega dugað til sigurs í leiknum. Viðbrögð Dan Quinn, þjálfara Atlanta, sögðu allt sem segja þurfti en hann var brjálaður vegna dómgæslunnar. Quinn, sem þjálfaði áður varnarlið Seattle, vildi lítið sem ekkert segja um atvikið eftir leik en bæði lið hafa nú unnið fjóra leiki á tímabilinu - Seattle hefur þó aðeins tapað einum leik en þetta var annað tap Atlanta í ár.Dak Prescott fagnar í gær.Vísir/GettyPrescott eða Romo? Dak Prescott heldur áfram að gera frábæra hluti sem leikstjórnandi Dallas Cowboys en liðið hafði betur gegn Green Bay Packers, 30-16, á Lambeau Field í gærkvöldi. Hér er samantekt úr leiknum. Þetta var fimmti sigur Dallas á tímabilinu og óhætt að segja að nýliðinn Prescott hefur tekist að leysa Tony Romo, sem meiddist á undirbúningstímabilinu, af hólmi með glans. Eitt helsta umræðuefni NFL-deildarinnar þessa dagana er hvort að Romo eigi að fá byrjunarliðssætið sitt aftur eftir að hann verður leikfær á nýjan leik. Prescott kláraði átján af 27 sendingum sínum í leiknum fyrir 247 jördum og þremur snertimörkum. Hann kastaði einnig boltanum frá sér til andstæðings í fyrsta sinn á ferlinum en enginn leikmaður hefur hafið ferilinn á jafn mörgum heppnuðum sendingum og Prescott. Prescott komst í gegnum 176 sendingar áður en andstæðingur komst inn í sendingu hans en bætti hann þar með met Tom Brady.Gronkowski í leiknum í nótt.Vísir/GettyEngin miskunn hjá Brady Brady og hans menn í New England Patriots eru einnig komnir í fimm sigra á tímabilinu eftir nokkuð öruggan sigur á Cincinnati Bengals, 35-17. Þetta var fyrsti leikur Brady á heimavelli eftir fjögurra leikja bann hans sem hann tók út í upphafi tímabilsins. Brady klikkaði aðeins á sex af 35 sendingum sínum í gær en hann kastaði fyrir 376 jördum og þremur snertimörkum. Innherjinn Rob Gronkowski átti einnig frábæran leik en hann var með 162 jarda og eitt snertimark. Carolina Panthers, sem tapaði fyrir Denver Broncos í Super Bowl í febrúar, heldur hins vegar áfram að tapa leikjum. Í þetta sinn fyrir New Orleans Saints, 41-38, í æsispennandi leik þar sem Wil Lutz, sparkari Saints, tryggði sínum mönnum sigur seint í leiknum. Panthers hefur aðeins unnið einn leik á tímabilinu og tapað fimm. Þrjú lið hafa unnið fimm leiki, Patriots, Cowboys og Minnesota Vikings sem hefur enn ekki tapað leik. Víkingarnir voru í fríi þessa helgina og spiluðu því ekki.Úrslit gærdagsins: Buffalo - San Francisco 45-16 Chicago - Jacksonville 16-17 Detroit - LA Rams 31-28 Miami - Pittsburgh 30-15 New England - Cincinnati 35-17 New Orleans - Carolina 41-38 NY Giants - Baltimore 27-23 Tennessee - Cleveland 28-26 Washington - Philadelphia 27-20 Oakland - Kansas City 26-10 Green Bay - Dallas 16-30 Seattle - Atlanta 26-24 Houston - Indianapolis 26-23
NFL Mest lesið Kemur dómaranefnd til varnar og hnýtir í Jón og tvíburana Körfubolti Segir Liverpool ekki spila eins og topplið: Spila körfubolta en ekki fótbolta Enski boltinn Sjáðu kinnhestinn sem felldi Liverpool og þrennu Mbappe Fótbolti Áhrif NFL á ensku úrvalsdeildina: „Eins og heill leikur af föstum leikatriðum“ Enski boltinn Vilja ekki að merki þeirra sé á búningum Ísraelsliðsins Fótbolti Svaf í tuttugu tíma á dag eftir slysið Sport Aftur tapar Liverpool Fótbolti „Síðan koma raddir um að þetta sé ekkert svo alvarlegt“ Íslenski boltinn Craig Pedersen heldur áfram með íslenska landsliðið Körfubolti Fékk óvart rautt spjald Enski boltinn Fleiri fréttir Drama í sænska landsliðinu: „Hann hefur svikið liðsfélaga sína“ Haukur með flestar stoðsendingar í Þýskalandi Kaupa einn frægasta leikvang heims til þess að rífa hann Barcelona verður ekki refsað þótt þeir kaupi ekki Rashford Kemur dómaranefnd til varnar og hnýtir í Jón og tvíburana Var Vinícius Júnior kallaður api eða kjáni? Sjáðu kinnhestinn sem felldi Liverpool og þrennu Mbappe Svaf í tuttugu tíma á dag eftir slysið Segir Liverpool ekki spila eins og topplið: Spila körfubolta en ekki fótbolta Vilja ekki að merki þeirra sé á búningum Ísraelsliðsins Craig Pedersen heldur áfram með íslenska landsliðið Snoop Dogg aftur á leiðinni á Ólympíuleika Áhrif NFL á ensku úrvalsdeildina: „Eins og heill leikur af föstum leikatriðum“ Fékk óvart rautt spjald Dagskráin í dag: Stórleikir í Meistaradeildinni ásamt Bestu og Bónus „Síðan koma raddir um að þetta sé ekkert svo alvarlegt“ Grindvíkingar horfa áfram út fyrir landsteinana Tottenham bjargaði stigi í Noregi KR vann nýliðaslaginn Meistararnir byrja á góðum sigri „Það er allt mögulegt“ Uppgjör: Víkingur - Valur 3-0 | Sannfærandi heimasigur í rigningunni „Gott að láta ekki mótlæti brjóta sig niður“ Heimir yfirgefur FH að tímabilinu loknu Íslendingarnir skutu Ringsted áfram Aftur tapar Liverpool Sjálfsmark kostaði Mourinho stigið Arnar Þór látinn fara frá Gent Uppgjörið: Stjarnan - Njarðvík 64-81 | Reynslan skilaði gestunum sigri Uppgjörið: Þróttur - Breiðablik 3-2 | Aftur mistókst Blikum að tryggja titilinn Sjá meira