Harry Kane, framherji Tottenham, leikur ekki með enska landsliðinu þegar það mætir því spænska í vináttulandsleik á Wembley á þriðjudaginn.
Kane var valinn í enska landsliðið fyrir leikina gegn Skotum og Spánverjum þótt hann væri nýkominn aftur eftir meiðsli.
Kane spilaði ekkert í 3-0 sigrinum á Skotum og Gareth Southgate, landsliðsþjálfari Englands, hefur nú sent framherjann heim svo hann geti haldið endurhæfingu sinni áfram hjá Tottenham.
Kane var í byrjunarliðinu og skoraði þegar Tottenham og Arsenal gerðu 1-1 jafntefli um síðustu helgi. Það var fyrsti leikur hans í sjö vikur.
Kane hefur skorað þrjú mörk í sex deildarleikjum á tímabilinu. Tottenham, sem hefur gert jafntefli í síðustu fjórum leikjum sínum, er í 5. sæti ensku úrvalsdeildarinnar.
Kane fær frí gegn Spánverjum
Tengdar fréttir
Þrjú skallamörk afgreiddu Skota á Wembley
Englendingar þurftu enga súperframmistöðu í kvöld til að vinna 3-0 sigur á nágrönnum sínum í Skotlandi á Wembley í undankeppni HM 2018.
Southgate valdi Wilshere og Kane
Jack Wilshere og Harry Kane koma aftur inn í enska landsliðshópinn sem mætir Skotum og Spánverjum á næstunni.
Jafnt í borgarslagnum á Emirates | Sjáðu mörkin
Arsenal og Tottenham skyldu jöfn 1-1 í borgarslagnum í hádegisleik dagsins í enska boltanum en Tottenham er því enn án ósigurs eftir ellefu umferðir.
