Ísland er í 20. sæti á nýjum styrkleikalista Alþjóðaknattspyrnusambandsins, FIFA, sem gefinn var út í dag.
Fyrr í vikunni var greint frá því að Ísland myndi vera í 20. sæti á nýjum lista en það var miðað við útreikninga tölfræðingsins Mister Chip á Twitter.
Sjá einnig: Enn hækkar Ísland á styrkleikalista FIFA
Þetta er svo staðfest á nýjum lista og hefur Ísland aldrei fyrr verið meðal 20 efstu þjóða á listanum. Strákarnir okkar hafa verið í 21. sætinu síðan í október.
Ísland lék í nótt æfingaleik gegn Mexíkó og tapaði honum, 1-0.
Sjá einnig: Strákarnir töpuðu fyrir Mexíkó | Sjáðu markið
Ísland er ekki eina landið sem náði sínum besta árangri frá upphafi á listanum sem birtur var í dag. Hið sama má segja um Pólland (14. sæti), Perú (18. sæti), Kongó (37. sæti) og Curacao (73. sæti).
Engar breytingar eru á efstu tíu þjóðunum á listanum og er Argentína enn í efsta sæti. Brasilía og Þýskaland koma næst.
Metárangur Íslands staðfestur
Tengdar fréttir
Enn hækkar Ísland á styrkleikalista FIFA
Fer í 20. sæti á næsta lista en íslenska liðið hefur aldrei verið ofar á listanum.
Strákarnir búnir að ná stelpunum í fyrsta sinn í sögu FIFA-listans
Íslenska karlalandsliðið mun hækka sig um eitt sæti á næsta styrkleikalista Alþjóðaknattspyrnusambandsins og um leið kemst Ísland í hóp tuttugu bestu knattspyrnulandsliða heims.
