Leigubíl ekið inn í hóp fólks í Boston

Tíu vegfarendur hafa verið fluttir á sjúkrahús eftir að leigubíl var ekið inn í hóp fólks nærri Logan-flugvelli í Boston síðdegis. Bandaríska fréttastöðin CNN segir að fjöldi sjúkrabíla sé kominn á staðinn.

Ríkislögreglan í Massachusetts greinir frá atvikinu á Twitter. Segir hún að það hafi átt sér stað við Porter-stræti og Tomahawk-veg rétt vestur af Logan-alþjóðaflugvellinum. Fólk sé slasað.

CNN hefur eftir lögreglu að hún sé að yfirheyra leigubílsstjórann. Hann sé 56 ára gamall frá Cambridge. Orsakir þess að hann ók á fólkið liggja ekki fyrir.

DEVELOPING - Units on scene, vehicle into a group of pedestrians, Porter St at Tomahawk Driver, East Boston, near Logan taxi pool. Injuries.

— Mass State Police (@MassStatePolice) July 3, 2017

Uppfært 18:59AP-fréttastofan hefur eftir ríkislögreglunni að ekkert bendi til þess að leigubílsstjórinn hafi ekið viljandi á fólkið. Svo virðist sem að um ökumannsmistök hafi verið að ræða. Ökumaðurinn hafi óvart stigið á bensíngjöfina í staðinn fyrir bremsuna.

Fólkið sem varð fyrir bílnum stóð í leigubílaröð nærri flugvellinum. Talsmaður ríkislögreglunnar segir að sumir þeirra slösuðu séu þungt haldnir.

Fréttin verður upppfærð.