Danilo Gallinari, leikmaður Los Angeles Clippers og ítalska landsliðsins, verður ekki með á EM í körfubolta sem hefst eftir nákvæmlega mánuð.
Ítalía mætti Hollandi í æfingaleik í gær. Gallinari var eitthvað illa fyrir kallaður og brást illa við eftir að hafa fengið högg frá Jito Kok.
Gallinari réðist á Kok og gaf honum einn á lúðurinn. Hann hefði betur sleppt því enda meiddist hann á þumalfingri við það.
Gallinari þarf ekki að fara í aðgerð en verður þó ekki orðinn klár í tæka tíð fyrir EM. Hann ætti þó að vera tilbúinn í slaginn þegar tímabilið í NBA-deildinni hefst í haust.
Þetta er ekki í fyrsta sinn sem leikmaður Clippers meiðist við að kýla mann. Á síðasta ári meiddist Blake Griffin á hendi eftir að hafa kýlt starfmann Clippers.
Kýldi mótherja, meiddist og missir af EM
Ingvi Þór Sæmundsson skrifar

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn


Magnaður Sigvaldi sökkti Magdeburg
Handbolti


„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

