Logi Gunnarsson heldur í dag upp á 36 ára afmælið sitt en áhorfendur á leik Íslands og Slóveníu sungu fyrir hann í höllinni í Helsinki í dag.
Ísland tapaði í dag fyrir Slóveníu, 102-75, og hrósaði Logi slóvenska liðinu mjög. Viðtalið allt má sjá í spilaranum hér fyrir ofan.
„Þeir eru góðir maður, djöfulli eru þeir góðir. Við héngum í þeim og komust yfir í byrjun. Það var gaman að vera inni á vellium á móti svona góðu liði og vera yfir einhverjum 4-5 stigum yfir. Það er alveg geggjuð tilfinning. Frábær stemning og góður stuðningur en svo fjaraði þetta bara út í seinni hálfleik. Þeir eru bara svo margir góðir og erfitt að eiga við þá,“ sagði Logi.
Komu ekki tár í bæði augun þegar áhorfendur sungu afmælissönginn?
„Næstum því ekki alveg en það var rosalega hlýtt að heyra alla syngja fyrir mig. Það var gaman að vera inná vellinum gegn svona góðum leikmönnum og vera að spila miklvægar mínútur. Ég naut þess vel í dag“.
Logi: Hlýnaði við afmælissönginn
Tengdar fréttir
Umfjöllun: Ísland - Slóvenía 75-102 | Við ofurefli að etja í Helsinki en bestu úrslitin til þessa
Frábær fyrsti leikhluti íslenska liðsins var ekki nóg gegn öflugu liði Slóveníu í dag.
Elvar: Má ekkert klikka gegn svona liði
Elvar Már Friðriksson átti fína spretti í tapleiknum gegn Slóveníu á EM í körfubolta í dag.
Tryggvi Snær: Set inn á reynslubankann
Tryggvi Snær Hlinason átti fínan leik fyrir Ísland í dag og skoraði átta stig á þrettán mínútum.
