Dele Alli sýndi löngutöng og baðst afsökunar

Dele Alli gæti verið refsað að Knattspyrnusambandi Evrópu fyrir óviðeigandi hegðun í leik Englands og Slóvakíu í undankeppni HM 2018 í gær. Alli sýndi útrétta löngutöng og virtist beina því gegn dómara leiksins.

Atvikið átti sér stað þegar um stundarfjórðungur var til leiksloka og Martin Skrtel hafði brotið á Alli. Aukaspyrna var hins vegar ekki dæmd.

Eftir leik sagði Alli á Twitter-síðu sinni að allt hefði verið hluti af góðlátlegu gríni og beint að Kyle Walker, liðsfélaga hans.

Just to clarify, the gesture tonight was a joke between me and my good friend Kyle Walker! Apologies for any offence caused! Great win 2nite

— Dele (@dele_official) September 4, 2017

Gareth Southgate, landsliðsþjálfari Englands, sagði á blaðamannafundi eftir leik að engin alvara hefði verið á bak við hegðun Alli.

„Ég hef ekki séð þetta en ég veit af þessu. Dele og Kyle voru að fíflast,“ sagði hann. „Samskipti þeirra eru skrýtin sem útksýrir þetta.“