Jón Arnór: Léku sér að okkur eins og köttur að mús
„Ég kom svo sem með sama hugarfar en langaði að bæta upp fyrir lélega tvo fyrstu leiki. Svo duttu skotin fyrir mig í dag miðað við Pólverjaleikinn. Þetta var erfitt. Við vorum að spila á móti betra liði, einu besta liðinu í heiminum í dag. Við mættum ofjarli okkar og áttum ekki möguleika í leiknum,“ sagði Jón Arnór í samtali við Arnar Björnsson eftir leikinn.
Hann segir að munurinn á íslenska liðinu og því franska sé mjög mikill.
„Það er mikil reynsla fyrir okkur að takast á við svona stór verkefni sem við höfum verið að upplifa á síðustu árum í körfuboltanum. Við erum að fá að spila á móti þeim bestu og höfum sagt að við ætlum að njóta þess og læra af því,“ sagði Jón Arnór.
„Við ætluðum að gera það í dag og allt í þessa leiki og sjá hvað kæmi út úr því. Þeir eru mörgum styrleikaflokkum fyrir ofan okkur og raunveruleikinn er bara þannig að þeir eru klárlega betri en við, 30 stigum betri en við á venjulegum degi. Við börðumst eins og við gátum en munurinn fullstór í lokin. Það er bara munurinn á þessum liðum.“
Ísland spilaði vel í fyrri hálfleik og munurinn að honum loknum var aðeins sjö stig, 42-27.
„Það var mikil stemning í tvo fjórðunga en það er bara ekki nóg. Þeir hafa miklu fleiri vopn en við og þar kom munurinn í ljós. Stemningin þarf að vera mikil og jákvæð til þess að við eigum möguleika á að vera í jöfnum leik í lokin. Þeir léku sér að okkur eins og köttur að mús. Þannig er það bara og við vorum ekki með nógu mikinn kraft til eiga möguleika. Þeir eru bara betri en við lögum okkur fram, vorum harðir og ætluðum okkur að gera betur en í gær,“ sagði Jón Arnór.
„Við vorum leiðir og sárir eftir leikinn í gær og okkur fannst við hafa brugðist okkur sjálfum og auðvitað áhorfendum hér og heima. Við ætluðum að gera betur í dag, erum að leggja okkur fram en erum ekki eins góðir og Frakkarnir. Þið getið kallað okkur lélega en við leggjum okkur alltaf fram og berjast alltaf þar til yfir lýkur“.
Íslenska liðið fær núna kærkominn hvíldardag fyrir síðustu tvo leikina á mótinu.
„Þetta er ekkert búið. Eftir leikinn í gær vorum við leiðir og sárir. Logi reynslubolti Gunnarsson stormaði inn í klefa og sagði: strákar, það eru þrír leikir eftir. Nú eru tveir leikir eftir. Við spiluðum betur í dag, lögðum okkur alla fram og spiluðum vel í heilan hálfleik móti einu besta liði í heimi. Við ætlum bara að bæta okkar leik og verða betri eftir því sem líður á mótið og ætlum að reyna að vinna þessa tvo leiki sem eftir eru. Ég held bara að við séum í gær og allir á sömu blaðsíðu hvað það varðar“, sagði Jón Arnór að lokum.
Tengdar fréttir

Pavel: Aldrei hægt að ásaka þetta lið um vilja- og baráttuleysi
Pavel Ermolinskij, einn lykilmanna íslenska landsliðsins í körfubolta, segir að það sé ekki hægt að saka íslenska liðið um vilja- og baráttuleysi.

Umfjöllun: Ísland - Frakkland 79-115 | Jón Arnór góður en enn á ný hrun í seinni hálfleik
Íslenska körfuboltalandsliðið tapaði í dag sínum þriðja leik í röð á Evrópumótinu í Helsinki. Liðið varð enn á ný að sætta sig við stórtap, nú 36 stiga tap á móti Frökkum, 115-79, en það var þó yfir aðeins meiru að gleðjast en á móti Póllandi í gær sérstaklega í fínum fyrri hálfleik.

Brynjar: Geri það sem ég er bestur í
Brynjar Þór Björnsson, skytta íslenska landsliðsins í körfubolta, segir að liðið verði að ná að spila meira en bara tuttugu mínútur góðar til að eiga séns í eins gott lið og Frakkar eru.

Twitter: Eitt stykki þristur truflaði ekki víkingaklappið
Íslenska karlalandsliðið í körfubolta hefur spilað vel í fyrri hálfleik gegn stórliði Frakklands á EM í körfubolta, en liðið hefur leikið frábærlega í fyrri hálfleik.

Tryggvi: Eins og venjulega taka lið fram úr okkur í 3. leikhluta
Tryggvi Snær Hlinason spilaði 15 mínútur í tapinu fyrir Frökkum á EM í körfubolta í dag. Bárðdælingurinn skoraði fimm stig og tók fjögur fráköst í leiknum.

KKÍ fær þrettán milljónir í viðbótarstyrk
Körfuknattleikssamband Íslands ásamt Íþrótta- og Ólympíusambandi Íslands héldu í morgun blaðamannafund í keppnishöllinni í Helsinki þar sem íslenska körfuboltalandsliðið mætir því franska á eftir á Evrópumótinu.

Elvar Már: Ég held bara að þetta sé munurinn á milli liðanna
Elvar Már Friðriksson fékk að spila mun meira í leiknum á móti Frökkum en í hinum tveimur leikjunum og skoraði meðal annars sína fyrstu þriggja stiga körfu á Eurobasket.

Logi: Það síðasta sem einhver getur sagt um okkur er að baráttuna vanti
Logi Gunnarsson sendi alla umræðu um andleysi eða baráttuleysi með íslenska körfuboltalandsliðsins til föðurhúsanna í viðtali eftir 36 stiga tap á móti Frökkum á EM í Helsinki í dag. Þetta var þriðja stóra tap íslenska liðsins í röð á Eurobasket 2017.

Haukur Helgi: Líkurnar í næstu tveimur leikjum miklu betri en gegn Frökkum
Haukur Helgi Pálsson sagði að íslenska körfuboltalandsliðið hefði átt við ofurefli að etja gegn því franska í dag.