Er ekki að kasta inn handklæðinu Henry Birgir Gunnarsson skrifar 18. október 2017 06:00 Rúnar hefur tekið að sér stærra hlutverk með landsliðinu sem honum líkar vel. Hann segir að það sé skref niður á við að fara til Danmerkur en hann verði þó enn í topphandbolta. f réttablaðið/afp Eftir tæpan áratug í Þýskalandi hefur Rúnar Kárason, landsliðsmaður í handbolta, ákveðið að söðla um og ganga í raðir Ribe-Esbjerg í Danmörku eftir tímabilið.Skyttan skotfasta skrifaði undir þriggja ára samning við danska úrvalsdeildarfélagið. Rúnar hefur leikið í Þýskalandi frá árinu 2009; með Füchse Berlin, Bergischer, Grosswallstadt, Rhein-Neckar Löwen og síðustu fjögur árin með Hannover-Burgdorf. Rúnar segist hlakka til að breyta til eftir langa dvöl í Þýskalandi.Langaði í eitthvað nýtt „Við konan vorum búin að ákveða að okkur langaði ekki að halda áfram í Þýskalandi. Okkur langaði að prófa eitthvað nýtt og fara í annað land. Við vorum með augum á Danmörku því konan mín er hjúkrunarfræðingur og stefnir á að vinna þar. Það er eitthvað erfiðara hérna. Hjúkrunarfræðingarnir hérna eru með annan bakgrunn en hún. Svo langaði okkur að komast nær kúltúr sem við kunnum betur við. Þýskaland er fínt og allt það en það er fjær Íslandi í flestu,“ sagði Rúnar í samtali við Fréttablaðið í gær. Ribe-Esbjerg er í neðri hluta dönsku úrvalsdeildarinnar en Rúnar segir að metnaðurinn þar á bæ sé mikill. „Þeir eru rosalega metnaðarfullir og eru að setja pening í þetta. Þeir eru að breyta til í liðinu og fá stærri nöfn inn. Þeir stefna hátt og það er hrikalega spennandi verkefni að fara í gang,“ sagði Rúnar. Hann hefur fengið fá tækifæri með Hannover á undanförnum mánuðum, sama hvernig gengið hefur hjá liðinu. Þrátt fyrir það hefur Rúnar aldrei spilað betur fyrir landsliðið en síðasta árið.Svipað og með Hörð Björgvin „Það hefur ekki verið alveg sanngjarnt, finnst mér. Það er sama hvað hefur gengið á í liðinu. Í fyrra var engu breytt. Það er svipað dæmi með Hörð Björgvin [Magnússon] hjá Bristol City sem er að spila vel með landsliðinu en fær ekkert að spila með félagsliðinu,“ sagði Rúnar og vísaði til landsliðsmannsins í fótbolta en þeir koma báðir úr Fram. Rúnar segir að hann sé vissulega að fara í aðeins lakari deild en segir að sú danska sé samt sem áður mjög sterk. „Það er þekkt stærð að þýska deildin er sú sterkasta í heimi, þannig að þetta er ekki skref upp á við hvað deildirnar varðar. En danska deildin er sterk. Þessi lið í toppbaráttunni eru mjög góð og standa sig vel í Evrópukeppnum. Það er mikið af góðum leikmönnum í Danmörku,“ sagði Rúnar. „Það spilar líka inn í að síðustu þrjú sumar hef ég fengið þriggja vikna frí. Maður er varla búinn að gleyma síðasta landsleiknum þegar maður byrjar að æfa aftur fyrir næsta tímabil. Það er hrikalega lýjandi. Við byrjum snemma að æfa í Þýskalandi, endum seint og spilum líka um jólin. Þetta er þannig séð skref niður á við en ég verð enn í topp handbolta og maður er ekkert að kasta inn handklæðinu á handboltaferlinum. Þetta er bara næsta skref og ég er spenntur fyrir því.“*Loksins í stærra hlutverki Eins og áður sagði hefur Rúnar spilað vel fyrir landsliðið síðasta árið. Hann nýtur sín í stærra hlutverki sem hann þurfti að bíða lengi eftir. „Það er ótrúlega mikilvægt fyrir mig, eftir að hafa verið í kringum landsliðið síðan 2008, að vera loksins kominn í stærra hlutverk. Þetta er eitthvað sem maður er búinn að bíða lengi eftir,“ sagði Rúnar. Undir lok mánaðarins leikur Ísland tvo vináttulandsleiki við Svíþjóð í Laugardalshöllinni. Geir Sveinsson landsliðsþjálfari valdi mjög ungan hóp fyrir leikina en helmingur leikmannanna er fæddur 1995 eða síðar. Rúnar er sjálfur fæddur 1988 og er einn af elstu leikmönnum í íslenska hópnum. Hann hlakkar til að spila með ungu mönnum í landsliðinu. „Þessi kjarni í landsliðinu er búinn að haldast mjög lengi saman og þótt það hafi aðeins kvarnast úr honum er hann enn til staðar. Því lengur sem svona kjarni helst saman, því erfiðari verður skiptingin. Það er mikið af ungum og góðum strákum að koma upp. Þeir hafa staðið sig vel heima og eru væntanlega á leið í stærri lið hvað úr hverju. Ég er bara spenntur að spila með þeim,“ sagði Rúnar að lokum. Handbolti Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn „Það hlaut að koma að því“ Íslenski boltinn Norris á ráspól í Singapúr Formúla 1 Uppgjörið: KA bikarmeistari í fyrsta sinn Íslenski boltinn Iðrast gjörða sinna: „Var klárlega rangt af mér“ Íslenski boltinn Fínn leikur Íslendinganna í Þýskalandi dugði ekki til Handbolti „Ekki jafn auðvelt og lokatölurnar gáfu til kynna“ Enski boltinn Setja pressu á Barcelona með sigri Fótbolti Fleiri fréttir Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Sjá meira
Eftir tæpan áratug í Þýskalandi hefur Rúnar Kárason, landsliðsmaður í handbolta, ákveðið að söðla um og ganga í raðir Ribe-Esbjerg í Danmörku eftir tímabilið.Skyttan skotfasta skrifaði undir þriggja ára samning við danska úrvalsdeildarfélagið. Rúnar hefur leikið í Þýskalandi frá árinu 2009; með Füchse Berlin, Bergischer, Grosswallstadt, Rhein-Neckar Löwen og síðustu fjögur árin með Hannover-Burgdorf. Rúnar segist hlakka til að breyta til eftir langa dvöl í Þýskalandi.Langaði í eitthvað nýtt „Við konan vorum búin að ákveða að okkur langaði ekki að halda áfram í Þýskalandi. Okkur langaði að prófa eitthvað nýtt og fara í annað land. Við vorum með augum á Danmörku því konan mín er hjúkrunarfræðingur og stefnir á að vinna þar. Það er eitthvað erfiðara hérna. Hjúkrunarfræðingarnir hérna eru með annan bakgrunn en hún. Svo langaði okkur að komast nær kúltúr sem við kunnum betur við. Þýskaland er fínt og allt það en það er fjær Íslandi í flestu,“ sagði Rúnar í samtali við Fréttablaðið í gær. Ribe-Esbjerg er í neðri hluta dönsku úrvalsdeildarinnar en Rúnar segir að metnaðurinn þar á bæ sé mikill. „Þeir eru rosalega metnaðarfullir og eru að setja pening í þetta. Þeir eru að breyta til í liðinu og fá stærri nöfn inn. Þeir stefna hátt og það er hrikalega spennandi verkefni að fara í gang,“ sagði Rúnar. Hann hefur fengið fá tækifæri með Hannover á undanförnum mánuðum, sama hvernig gengið hefur hjá liðinu. Þrátt fyrir það hefur Rúnar aldrei spilað betur fyrir landsliðið en síðasta árið.Svipað og með Hörð Björgvin „Það hefur ekki verið alveg sanngjarnt, finnst mér. Það er sama hvað hefur gengið á í liðinu. Í fyrra var engu breytt. Það er svipað dæmi með Hörð Björgvin [Magnússon] hjá Bristol City sem er að spila vel með landsliðinu en fær ekkert að spila með félagsliðinu,“ sagði Rúnar og vísaði til landsliðsmannsins í fótbolta en þeir koma báðir úr Fram. Rúnar segir að hann sé vissulega að fara í aðeins lakari deild en segir að sú danska sé samt sem áður mjög sterk. „Það er þekkt stærð að þýska deildin er sú sterkasta í heimi, þannig að þetta er ekki skref upp á við hvað deildirnar varðar. En danska deildin er sterk. Þessi lið í toppbaráttunni eru mjög góð og standa sig vel í Evrópukeppnum. Það er mikið af góðum leikmönnum í Danmörku,“ sagði Rúnar. „Það spilar líka inn í að síðustu þrjú sumar hef ég fengið þriggja vikna frí. Maður er varla búinn að gleyma síðasta landsleiknum þegar maður byrjar að æfa aftur fyrir næsta tímabil. Það er hrikalega lýjandi. Við byrjum snemma að æfa í Þýskalandi, endum seint og spilum líka um jólin. Þetta er þannig séð skref niður á við en ég verð enn í topp handbolta og maður er ekkert að kasta inn handklæðinu á handboltaferlinum. Þetta er bara næsta skref og ég er spenntur fyrir því.“*Loksins í stærra hlutverki Eins og áður sagði hefur Rúnar spilað vel fyrir landsliðið síðasta árið. Hann nýtur sín í stærra hlutverki sem hann þurfti að bíða lengi eftir. „Það er ótrúlega mikilvægt fyrir mig, eftir að hafa verið í kringum landsliðið síðan 2008, að vera loksins kominn í stærra hlutverk. Þetta er eitthvað sem maður er búinn að bíða lengi eftir,“ sagði Rúnar. Undir lok mánaðarins leikur Ísland tvo vináttulandsleiki við Svíþjóð í Laugardalshöllinni. Geir Sveinsson landsliðsþjálfari valdi mjög ungan hóp fyrir leikina en helmingur leikmannanna er fæddur 1995 eða síðar. Rúnar er sjálfur fæddur 1988 og er einn af elstu leikmönnum í íslenska hópnum. Hann hlakkar til að spila með ungu mönnum í landsliðinu. „Þessi kjarni í landsliðinu er búinn að haldast mjög lengi saman og þótt það hafi aðeins kvarnast úr honum er hann enn til staðar. Því lengur sem svona kjarni helst saman, því erfiðari verður skiptingin. Það er mikið af ungum og góðum strákum að koma upp. Þeir hafa staðið sig vel heima og eru væntanlega á leið í stærri lið hvað úr hverju. Ég er bara spenntur að spila með þeim,“ sagði Rúnar að lokum.
Handbolti Mest lesið Bein útsending: Bakgarðshlaupið í Heiðmörk Sport McGregor fær ekki keppinaut fyrr en hann er leikfær á ný Sport „Átum þá lifandi í fyrri hálfleik“ Enski boltinn „Það hlaut að koma að því“ Íslenski boltinn Norris á ráspól í Singapúr Formúla 1 Uppgjörið: KA bikarmeistari í fyrsta sinn Íslenski boltinn Iðrast gjörða sinna: „Var klárlega rangt af mér“ Íslenski boltinn Fínn leikur Íslendinganna í Þýskalandi dugði ekki til Handbolti „Ekki jafn auðvelt og lokatölurnar gáfu til kynna“ Enski boltinn Setja pressu á Barcelona með sigri Fótbolti Fleiri fréttir Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Sjá meira