Jólaboðskapur sem bjargar Ívar Halldórsson skrifar 19. desember 2017 10:29 Það er staðreynd að óeigingjörn verk kristinna manna eru að bjarga ótal mörgum mannslífum um allan heim. Nú eru jólin fram undan og þá er erfitt að skauta fram hjá fagnaðarboðskapi jólanna; boðskapi stærstu fjölskylduhátíðar flestra yfir árið, óháð lífs- og trúarskoðunum þeirra sem hátíðina halda. Þú þarft nefnilega ekki að vera trúaður til að njóta hátíðar sem fagnar fæðingu frelsara kristinna manna. Undirliggjandi boðskapur jólanna er kærleikur, friður, gjafmildi, gleði og góð verk. Það eru auðvitað allir til í svoleiðis. Sumir pirra sig þó boðskap jólanna og halda því fram að Guðs kristni í heimi sé bara til vandræða og boðberar hennar óþarfa byrði á siðmenntuðu samfélagi - fólk sem trúir á Jesúbarnið og boðskap jólanna séu bara rugludallar sem koma varla neinu góðu til vegar. Það er þó staðreynd að óeigingjörn verk kristinna manna eru að bjarga ótal mörgum mannslífum um allan heim. Þú þarft nefnilega ekki að trúa því að Guð sé til, til að sjá að hugsjónastarf trúaðra er að lyfta grettistaki í hjálparstarfsemi um heim allan í dag. Þú þarft ekki að fara í kirkju til að átta þig á öllu því jákvæða sem kristin trú hefur komið til leiðar í í baráttu gegn hungri, heilbrigðisþjónustu og menntun í heiminum í dag. Að hafna mikilvægi kristinnar trúar í heiminum er skammsýni í besta falli. Að gera lítið úr sannfæringu kristinna manna er að gera lítið úr því óeigingjarna þrekvirki sem kristið fólk er að vinna um heim allan í þágu þeirra sem minna mega sín. Fólk af öllum trúarbrögðum, ásamt þeim sem enga trú hafa, njóta góðverka kristilegra samtaka vítt og breitt um veröld okkar. Það er ekki hægt að neita því að hvar sem trúboðar hafa sett niður fót hefur átt sér stað samfélagsleg uppbygging. Kristin trú snýst nefnilega ekki eingöngu um að koma fólki til himna, heldur einnig að gera jörðina að betri stað til að búa á. Sagnfræðingurinn Kenneth Scott Latourette er líklega sá sem hefur framkvæmt viðamestu rannsókn á áhrifum kristinnar trúar á mannlíf veraldar. Hann segir kristnina hafa haft stórkostleg og mikilvæg áhrif á þróun stjórnmála, menningu, menntun, samfélagslega uppbyggingu og listmenningu um alla heimskringluna. Samkvæmt margra ára rannsóknum hans værum við í raun mun aftar á merinni ef ekki væri fyrir hugsjónastarf þeirra sem vilja sýna kristilegan kærleika í verki. Yfirlýsti trúleysinginn Matthew Parris skrifaði grein sem bar hinn athyglisverða titil „Sem trúleysingi, trúi ég heilshugar því að Afríka þurfi á Guði að halda.“ Parris fæddist í Afríku og var þar fyrstu árin sín sem ungur drengur áður en hann flutti til Vesturheims. Hann snéri aftur 45 árum síðar á heimaslóðir sínar sem í dag eru þekktar sem „Malawi“ og sá allt það sem kristilegt trúboð hafði komið til leiðar í fjarveru hans. Hann var agndofa. Hann sagðist vera sannfærður um að sú aðstoð sem kæmi frá NGO-samtökum og ýmsu framtaki stjórnvalda víða um veröld dygði alls ekki til að vinna það verk sem nú hefur hefur verið unnið í Afríku. Hann sagði: „Menntun og þjálfun nægja ekki. Kristin trú í Afríku breytir hjörtum fólks. Fólk breytist innan frá. Þessi endurfæðing er raunveruleg. Breytingin er góð.“ Þeir sem tala markvisst gegn kristinni trú og vilja gera hana útlæga úr samfélagi okkar ættu kannski að taka trúleysingjann Matthew Parris til fyrirmyndar; slökkva á tölvunni, fara af skrifstofu sinni og fylgjast með öllu því kristna fólki sem vinnur óeigingjarnt verk um heim allan; knúið áfram af trú sinni á Góða hirðinn í Biblíunni – frelsarann sem rétti út hönd sína til þeirra sem áttu um sárt að binda og hafði verið útskúfað úr samfélagi sínu. Staðreyndin er sú að kirkjan á einn stærstan þátt í byggja upp heilbrigðisþjónustu í heiminum og þá sér í lagi í fátækum ríkjum um heim allan – og því samhengi erum við eingöngu að tala um kaþólsku kirkjuna. Ef við bætum við öllum öðrum kirkjum kristinna manna þá kemst ekkert hjálparnet í heiminum með tærnar þar sem kristin samtök hafa hælana. Það er mikilvægt að átta sig á því að ef ekki væri fyrir kristileg góðgerðasamtök um heim allan sem drifin eru áfram af fólki sem tekur sér frelsara kristinna manna til fyrirmyndar, væri fátæktin margfalt meiri og sorgleg dauðsföll af völdum hungurs og sjúkdóma ólíkt stærra vandamál en nú er raunin. Nefna má fjölmarga kristna einstaklinga sem við stöndum í ævinlegri þakkarskuld við vegna framlags til þeirra sem eiga um sárt að binda vegna fáteæktar, sjúkdóma eða fötlunar: Maðurinn á bak við blindraletrið, Louis Braille, gaf Guði dýrðina á dánarbeði sínu. William Boothe, stofnandi Hjálpræðishersins (Salvation Army), var knúinn áfram af boðskapi Biblíunnar. World Vision tók að sér að styðja fátæk börn um allan heim og var stofnandinn, Dr. Robert Pierce drifinn áfram af þeirri fyrirmynd sem frelsarinn setti, er hann gekk um og hjálpaði bágstöddum. Christian Aid eru ein stærstu hjálparsamtök á heimsvísu og starfa þau með ýmsum samtökum í yfir 70 löndum um heim allan til að veita fátækustu samfélögunum aðstoð í anda fagnaðarerindisins. Kristilegu samtökin Youth With A Mission einsettu sér að hjálpa ungu fólki í samfélaginu og hafa eins og margir vita, lyft grettistaki á alþjóðavísu. Það á ekki að skipta máli hver drífur fólk áfram til góðra verka. Hvort sem það er Mikki mús, tannálfurinn, John Lennon, Spiderman eða Jesús Kristur. Ef verkin eru góð þá ættum við að standa vörð um drifkraftinn sem knýr fólk áfram til að bjarga mannslífum og gera jörðina okkar að betri stað til að búa á. Magnús Eiríksson komst vel að orði í texta sínum við hið þekkta jólalag „Gleði og friðarjól“ og undirstrikar þessi frábæri texti svo sannarlega mikilvægi góðra verka: Biðjum fyrir öllum þeim sem eiga bágt og þjást. Víða mætti vera um kærleika og ást Bráðum koma jólin, bíða gjafirnar Út um allar byggðir verða boðnar kræsingar En gleymum ekki Guði – hann son sinn okkur fól Gleymum ekki að þakka fyrir gleði og friðarjól Gleðileg friðarjól, Ívar Halldórsson Viltu birta grein á Vísi? Sendu okkur póst. Senda grein Ívar Halldórsson Mest lesið Orðskrípið sem bjarga á veiðigjaldinu Ólafur Adolfsson Skoðun Smábátar eru framtíðin, segir David Attenborough Kjartan Sveinsson Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun Óvandaður og einhliða fréttaflutningur RÚV af stríðinu á Gaza Birgir Finnsson Skoðun Hallarekstur í Hafnarfirði Jón Ingi Hákonarson Skoðun Túlkun er ekkert að fara – en hvað ætlum við að gera með hana? Birna Ragnheiðardóttir Imsland Skoðun Hvers konar Evrópuríki viljum við vera? Magnús Árni Skjöld Magnússon Skoðun Efnahagslegur hagvöxtur þýðir ekki endilega samfélagslegur hagvöxtur Davíð Routley Skoðun Börn innan seilingar Árni Guðmundsson Skoðun Yfirgnæfandi meirihluti vill þjóðaratkvæði Jón Steindór Valdimarsson Skoðun Skoðun Skoðun Vetrarvirkjanir Sigurður Ingi Friðleifsson skrifar Skoðun Yfirgnæfandi meirihluti vill þjóðaratkvæði Jón Steindór Valdimarsson skrifar Skoðun Smábátar eru framtíðin, segir David Attenborough Kjartan Sveinsson skrifar Skoðun Leiðrétting veiðigjalda mun skila sér í bættum innviðum Arna Lára Jónsdóttir skrifar Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir skrifar Skoðun Efnahagslegur hagvöxtur þýðir ekki endilega samfélagslegur hagvöxtur Davíð Routley skrifar Skoðun Börn innan seilingar Árni Guðmundsson skrifar Skoðun Hallarekstur í Hafnarfirði Jón Ingi Hákonarson skrifar Skoðun Hvers konar Evrópuríki viljum við vera? Magnús Árni Skjöld Magnússon skrifar Skoðun Orðskrípið sem bjarga á veiðigjaldinu Ólafur Adolfsson skrifar Skoðun Túlkun er ekkert að fara – en hvað ætlum við að gera með hana? Birna Ragnheiðardóttir Imsland skrifar Skoðun Hagsmunir heildarinnar - Kafli tvö: Eiskrandi kröfur Hannes Örn Blandon skrifar Skoðun Palestína er að verja sig, ekki öfugt Stefán Guðbrandsson skrifar Skoðun Óvandaður og einhliða fréttaflutningur RÚV af stríðinu á Gaza Birgir Finnsson skrifar Skoðun Lýðræði á ystu nöf: Hver er afstaða unga fólksins? Jonas Hammer skrifar Skoðun Hvað ef ég hjóla bara í vinnuna? Eiríkur Búi Halldórsson skrifar Skoðun Litlu ljósin á Gaza Guðbrandur Einarsson skrifar Skoðun Ekki leiðrétting heldur skattahækkun: Afstaða Sjálfstæðisflokksins er skýr Guðrún Hafsteinsdóttir skrifar Skoðun Staðreyndir eða „mér finnst“ Birta Karen Tryggvadóttir skrifar Skoðun Fjármagna áfram hernað Rússlands Hjörtur J. Guðmundsson skrifar Skoðun Frídagar í klemmu Jón Júlíus Karlsson skrifar Skoðun Fasteignaviðskipti – tímabært að endurskoða leikreglurnar? Hlynur Júlísson skrifar Skoðun Í skugga kerfis sem brást! Harpa Hildiberg Böðvarsdóttir skrifar Skoðun Jöfn vernd fyrir öll börn í veröldinni Gunnar Hersveinn skrifar Skoðun Helför Palestínumanna í beinni útsendingu – viljum við vera samsek? Ólafur Ingólfsson skrifar Skoðun Byggð í Norðvesturkjördæmi: lífæð framtíðar Íslands Ragnar Rögnvaldsson skrifar Skoðun Hverju hef ég stjórn á? Álfheiður Ingólfsdóttir skrifar Skoðun Metnaður eða metnaðarleysi? Sumarrós Sigurðardóttir skrifar Skoðun „Þetta er allt í vinnslu“ María Pétursdóttir skrifar Skoðun Arðsemi og tilgangur - eitt útilokar ekki annað Elva Rakel Jónsdóttir,Erla Ósk Ásgeirsdottir skrifar Sjá meira
Það er staðreynd að óeigingjörn verk kristinna manna eru að bjarga ótal mörgum mannslífum um allan heim. Nú eru jólin fram undan og þá er erfitt að skauta fram hjá fagnaðarboðskapi jólanna; boðskapi stærstu fjölskylduhátíðar flestra yfir árið, óháð lífs- og trúarskoðunum þeirra sem hátíðina halda. Þú þarft nefnilega ekki að vera trúaður til að njóta hátíðar sem fagnar fæðingu frelsara kristinna manna. Undirliggjandi boðskapur jólanna er kærleikur, friður, gjafmildi, gleði og góð verk. Það eru auðvitað allir til í svoleiðis. Sumir pirra sig þó boðskap jólanna og halda því fram að Guðs kristni í heimi sé bara til vandræða og boðberar hennar óþarfa byrði á siðmenntuðu samfélagi - fólk sem trúir á Jesúbarnið og boðskap jólanna séu bara rugludallar sem koma varla neinu góðu til vegar. Það er þó staðreynd að óeigingjörn verk kristinna manna eru að bjarga ótal mörgum mannslífum um allan heim. Þú þarft nefnilega ekki að trúa því að Guð sé til, til að sjá að hugsjónastarf trúaðra er að lyfta grettistaki í hjálparstarfsemi um heim allan í dag. Þú þarft ekki að fara í kirkju til að átta þig á öllu því jákvæða sem kristin trú hefur komið til leiðar í í baráttu gegn hungri, heilbrigðisþjónustu og menntun í heiminum í dag. Að hafna mikilvægi kristinnar trúar í heiminum er skammsýni í besta falli. Að gera lítið úr sannfæringu kristinna manna er að gera lítið úr því óeigingjarna þrekvirki sem kristið fólk er að vinna um heim allan í þágu þeirra sem minna mega sín. Fólk af öllum trúarbrögðum, ásamt þeim sem enga trú hafa, njóta góðverka kristilegra samtaka vítt og breitt um veröld okkar. Það er ekki hægt að neita því að hvar sem trúboðar hafa sett niður fót hefur átt sér stað samfélagsleg uppbygging. Kristin trú snýst nefnilega ekki eingöngu um að koma fólki til himna, heldur einnig að gera jörðina að betri stað til að búa á. Sagnfræðingurinn Kenneth Scott Latourette er líklega sá sem hefur framkvæmt viðamestu rannsókn á áhrifum kristinnar trúar á mannlíf veraldar. Hann segir kristnina hafa haft stórkostleg og mikilvæg áhrif á þróun stjórnmála, menningu, menntun, samfélagslega uppbyggingu og listmenningu um alla heimskringluna. Samkvæmt margra ára rannsóknum hans værum við í raun mun aftar á merinni ef ekki væri fyrir hugsjónastarf þeirra sem vilja sýna kristilegan kærleika í verki. Yfirlýsti trúleysinginn Matthew Parris skrifaði grein sem bar hinn athyglisverða titil „Sem trúleysingi, trúi ég heilshugar því að Afríka þurfi á Guði að halda.“ Parris fæddist í Afríku og var þar fyrstu árin sín sem ungur drengur áður en hann flutti til Vesturheims. Hann snéri aftur 45 árum síðar á heimaslóðir sínar sem í dag eru þekktar sem „Malawi“ og sá allt það sem kristilegt trúboð hafði komið til leiðar í fjarveru hans. Hann var agndofa. Hann sagðist vera sannfærður um að sú aðstoð sem kæmi frá NGO-samtökum og ýmsu framtaki stjórnvalda víða um veröld dygði alls ekki til að vinna það verk sem nú hefur hefur verið unnið í Afríku. Hann sagði: „Menntun og þjálfun nægja ekki. Kristin trú í Afríku breytir hjörtum fólks. Fólk breytist innan frá. Þessi endurfæðing er raunveruleg. Breytingin er góð.“ Þeir sem tala markvisst gegn kristinni trú og vilja gera hana útlæga úr samfélagi okkar ættu kannski að taka trúleysingjann Matthew Parris til fyrirmyndar; slökkva á tölvunni, fara af skrifstofu sinni og fylgjast með öllu því kristna fólki sem vinnur óeigingjarnt verk um heim allan; knúið áfram af trú sinni á Góða hirðinn í Biblíunni – frelsarann sem rétti út hönd sína til þeirra sem áttu um sárt að binda og hafði verið útskúfað úr samfélagi sínu. Staðreyndin er sú að kirkjan á einn stærstan þátt í byggja upp heilbrigðisþjónustu í heiminum og þá sér í lagi í fátækum ríkjum um heim allan – og því samhengi erum við eingöngu að tala um kaþólsku kirkjuna. Ef við bætum við öllum öðrum kirkjum kristinna manna þá kemst ekkert hjálparnet í heiminum með tærnar þar sem kristin samtök hafa hælana. Það er mikilvægt að átta sig á því að ef ekki væri fyrir kristileg góðgerðasamtök um heim allan sem drifin eru áfram af fólki sem tekur sér frelsara kristinna manna til fyrirmyndar, væri fátæktin margfalt meiri og sorgleg dauðsföll af völdum hungurs og sjúkdóma ólíkt stærra vandamál en nú er raunin. Nefna má fjölmarga kristna einstaklinga sem við stöndum í ævinlegri þakkarskuld við vegna framlags til þeirra sem eiga um sárt að binda vegna fáteæktar, sjúkdóma eða fötlunar: Maðurinn á bak við blindraletrið, Louis Braille, gaf Guði dýrðina á dánarbeði sínu. William Boothe, stofnandi Hjálpræðishersins (Salvation Army), var knúinn áfram af boðskapi Biblíunnar. World Vision tók að sér að styðja fátæk börn um allan heim og var stofnandinn, Dr. Robert Pierce drifinn áfram af þeirri fyrirmynd sem frelsarinn setti, er hann gekk um og hjálpaði bágstöddum. Christian Aid eru ein stærstu hjálparsamtök á heimsvísu og starfa þau með ýmsum samtökum í yfir 70 löndum um heim allan til að veita fátækustu samfélögunum aðstoð í anda fagnaðarerindisins. Kristilegu samtökin Youth With A Mission einsettu sér að hjálpa ungu fólki í samfélaginu og hafa eins og margir vita, lyft grettistaki á alþjóðavísu. Það á ekki að skipta máli hver drífur fólk áfram til góðra verka. Hvort sem það er Mikki mús, tannálfurinn, John Lennon, Spiderman eða Jesús Kristur. Ef verkin eru góð þá ættum við að standa vörð um drifkraftinn sem knýr fólk áfram til að bjarga mannslífum og gera jörðina okkar að betri stað til að búa á. Magnús Eiríksson komst vel að orði í texta sínum við hið þekkta jólalag „Gleði og friðarjól“ og undirstrikar þessi frábæri texti svo sannarlega mikilvægi góðra verka: Biðjum fyrir öllum þeim sem eiga bágt og þjást. Víða mætti vera um kærleika og ást Bráðum koma jólin, bíða gjafirnar Út um allar byggðir verða boðnar kræsingar En gleymum ekki Guði – hann son sinn okkur fól Gleymum ekki að þakka fyrir gleði og friðarjól Gleðileg friðarjól, Ívar Halldórsson
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun
Skoðun Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir skrifar
Skoðun Efnahagslegur hagvöxtur þýðir ekki endilega samfélagslegur hagvöxtur Davíð Routley skrifar
Skoðun Túlkun er ekkert að fara – en hvað ætlum við að gera með hana? Birna Ragnheiðardóttir Imsland skrifar
Skoðun Ekki leiðrétting heldur skattahækkun: Afstaða Sjálfstæðisflokksins er skýr Guðrún Hafsteinsdóttir skrifar
Skoðun Helför Palestínumanna í beinni útsendingu – viljum við vera samsek? Ólafur Ingólfsson skrifar
Skoðun Arðsemi og tilgangur - eitt útilokar ekki annað Elva Rakel Jónsdóttir,Erla Ósk Ásgeirsdottir skrifar
Hvað er verið að leiðrétta? Gabríel Ingimarsson,Sverrir Páll Einarsson,Alexander Hauksson,Ingvar Þóroddsson,María Ellen Steingrimsdóttir,Oddgeir Páll Georgsson,Ingunn Rós Kristjánsdóttir Skoðun