Vart hefur orðið við aukið rennsli og breytingu á lit Múlakvíslar á undaförnum dögum. Rennslið er nú svipað og meðalrennsli að sumri.
Að því er fram kemur í tilkynningu frá Veðurstofunni hefur rafleiðni í ánni mælst 613µ/cm auk þess sem að lítilsháttar gas hefur mælst við Láguhvola. Nokkuð líklegt er að hærri styrkur á gasi mælist nærri upptökum árinnar og í lægðum í landslagi.
Þá segir einnig að eldfjallagas getur valdið óþægindum, meðal annars í öndunarvegi. Jarðskjálftavirkni í Mýrdalsjökli í dag hefur verið bundin við miðju öskjunnar en nokkrir skjálftar hafa mælst í dag, sá stærsti 2,1 stig um klukkan þrjú í dag.
Síðast varð vart við leka úr jarðhitakerfum undan Mýrdalsjökli í nóvember 2017 en Veðurstofan fylgist áfram með framvindu mála.
Aukið jarðhitavatn í Múlakvísl
Tengdar fréttir
Nýir gufukatlar í Bárðarbungu skapa hættu á jökulhlaupum
Magnús Tumi Guðmundsson jarðeðlisfræðingur segir að fylgjast verði grannt með þróun mála.
Lítið hlaup í Múlakvísl um garð gengið
Engin hætta stafaði af hlaupinu sem hófst líklega á aðfaranótt þriðjudags.
Smáhlaup hafið í Múlakvísl: Erfitt að segja til um framvinduna
Straumur hefur aukist í ánni nú í kvöld og lyktin hefur versnað.
