Böðvar búinn að skrifa undir í Póllandi

Böðvar Böðvarsson gekk frá samningum við pólska liðið Jagiellonia Bialystok í dag. Félagið tilkynnti þetta á vefsíðu sinni.

Eins og Vísir greindi frá í síðustu viku þá seldi FH Böðvar til pólska félagsins en hann gekst undir læknisskoðun í dag og skrifaði svo undir samning til þriggja og hálfs árs.

Hinn 22 ára Böðvar mun leika í treyju númer 19 með pólska liðinu.

Jagiellonia er í 4. sæti pólsku úrvalsdeildarinnar, jafnt að stigum og Lech Poznan og Gornik Zabrze í 2. og 3. sæti.