Listi kjör­nefndar Sjálf­stæðis­flokksins í Reykja­vík sam­þykktur ó­breyttur

Fundi Varðar, fulltrúaráðs Sjálfstæðisflokksins í Reykjavík, er lokið. Var listi kjörnefndar samþykktur óbreyttur og einróma með handauppréttingu að sögn Skúla Hansen framkvæmdastjóra Varðar.

Hvorki Áslaug Friðriksdóttir né Kjartan Magnússon, sitjandi borgarfulltrúar flokksins eru á listanum, eins og Vísir greindi frá fyrr í vikunni. Eyþór Arnalds skipar 1. sætið og Hildur Björnsdóttir 2. sætið. 46 manns skipa listann þar sem verið er að fjölga borgarfulltrúum í 23.

Mikið hafði verið rætt um að átök gætu orðið á fundinum vegna stöðu þeirra Áslaugar og Kjartans en Skúli segir engin átök enda tók fundurinn innan við klukkutíma; hófst um klukkan hálfsex og var lokið um 40 mínútum síðar.

Rætt var við þau Eyþór og Hildi í beinni útsendingu í fréttum Stöðvar 2 í kvöld. Eyþór lýsti listanum sem breiðum og öflugum sem endurspeglaði breiddina sem borgin hefur. Fólkið á honum væri með mismunandi bakgrunn og hann treysti því vel til að leiða flokkinn til sigurs í borgarstjórnarkosningunum í vor.

Markmið Sjálfstæðismanna sagði Eyþór að ná meirihluta í borginni, hvort sem það væri hreinn meirihluti þeirra eða í samstarfi við aðra flokka.

Lista Sjálfstæðisflokksins fyrir komandi borgarstjórnarkosningar má sjá hér fyrir neðan.

1.    Eyþór Laxdal Arnalds, framkvæmdastjóri       

    

2.    Hildur Björnsdóttir, lögfræðingur           

3.    Valgerður Sigurðardóttir, skrifstofu- og þjónustustjóri       

    

4.    Egill Þór Jónsson, teymisstjóri hjá velferðarsviði Reykjavíkur      

          

5.    Marta Guðjónsdóttir, borgarfulltrúi og kennari           

    

6.    Katrín Atladóttir, forritari           

    

7.    Örn Þórðarson, framhaldsskólakennari og varaborgarfulltrúi      

    

8.    Björn Gíslason, varaborgarfulltrúi          

    

9.    Jórunn Pála Jónasdóttir, lögfræðingur         

10.    Alexander Witold Bogdanski, viðskiptafræðingur          

    

11.    Ragnhildur Alda María Vilhjálmsdóttir, sálfræðinemi      

   

12.    Ólafur Kr Guðmundsson, umferðarsérfræðingur          

    

13.    Þórdís Pálsdóttir, grunnskólakennari           

    

14.    Diljá Mist Einarsdóttir, aðstoðarmaður utanríkisráðherra     

    

15.    Erla Ósk Ásgeirsdóttir, forstöðumaður         

16.    Inga María Hlíðar Thorsteinsson, ljósmóðir            

 

17.    Dr. Nína Margrét Grímsdóttir, píanóleikari          

    

18.    Elín Jónsdóttir, lögfræðingur           

19.    Þorlákur Einarsson, sagnfræðingur og listaverkasali       

    

20.    Halldór Karl Högnason, rafmagnsverkfræðingur         

21.    Ingvar Smári Birgisson, lögfræðingur       

22.    Rannveig Grétarsdóttir, framkvæmdastjóri         

    

23.    Friðrik Þór Gunnarsson, hagfræðingur           

    

24.    Elísabet Gísladóttir, djákni               

    

25.    Guðmundur Edgarsson, kennari               

    

26.    Steinunn Anna Hannesdóttir, verkfræðingur        

    

27.    Friðrik Ármann Guðmundsson, kaupmaður       

28.    Gylfi Þór Sigurðsson, hagfræðingur           

29.    Eva Dögg M Sigurgeirsdóttir, atvinnurekandi           

30.    Elísabet Inga Sigurðardóttir, laganemi          

    

31.    Eyþór Eðvarðsson, framkvæmdastjóri           

        

32.    Ágústa Tryggvadóttir, hagfræðinemi          

    

33.    Oddur Þórðarson, menntaskólanemi           

    

34.    Vala Pálsdóttir, viðskiptafræðingur         

    

35.    Jónas Jón Hallsson, dagforeldri           

    

36.    Ívar Pálsson, viðskiptafræðingur           

    

37.    Hafstein Númason, leigubílstjóri          

    

38.    Ingveldur Fjeldsted, fulltrúi         

39.    Kristín Lilja Sigurðardóttir, háskólanemi           

40.    Bertha Biering, ritari             

41.    Helga Möller, söngkona             

42.    Hafdís Björk Hannesdóttir, húsmóðir          

43.    Arndís Thorarensen, stærðfræðingur           

44.    Páll Þorgeirsson, heimilislæknir           

45.    Ágústa Guðmundsdóttir, prófessor            

46.    Halldór Halldórsson, borgarfulltrúi            

Fréttin var uppfærð klukkan 18:44.