Tugir látnir eftir sandstorm á Indlandi

Hið minnsta 74 eru látnir og þúsundir eru slasaðir eftir að sandstormur gekk yfir norðurhluta Indlands í gær.

Storminum er lýst sem gríðarlegum, hann hafi orsakað víðtækt rafmagnsleysi, rifið tré upp með rótum, eyðilegt hús og drepið tugþúsundir húsdýra.

Margir hinna látnu eru sagðir hafa verið sofandi í húsum sínum þegar stormurinn gekk yfir. Mikið eldingaveður fylgdi storminum og segir breska ríkisútvarpið að fjölmörg hús hafi hrunið efir að hafa orðið fyrir eldingum.

Að sögn héraðsstjóra Rajasthan-héraðs, sem varð illa úti í sandstorminum, hafa björgunarsveitir verið sendar á vettvang til að hefja hjálparstarf á svæðinu.