Boðuð lækkun ekki líkleg til að breyta miklu fyrir minni sjávarútvegsfyrirtæki

Elín Margrét Böðvarsdóttir skrifar 5. júní 2018 20:00

Fyrirhuguð lækkun veiðigjalda fer að mestu til stóru sjávarútvegsfyrirtækjanna og er ekki líkleg til að hafa mikil áhrif á rekstrarstöðu minni útgerða að sögn hagfræðings. Hann segir fjárfestingar og arðgreiðslur í greininni þó ekki óeðlilegar, jafnvel þegar illa árar.

Versnandi afkoma í sjávarútvegi og erfið staða lítilla og meðalstórra sjávarútvegsfyrirtækja eru meginástæður fyrir boðaðri lækkun veiðigjalda. Þá miðist veiðigjöld við afkomu sem næst rauntíma í stað þriggja ára aftur í tímann. Að sögn auðlindahagfræðings er óumdeilt að afkoma í sjávarútvegi hafi farið versnandi.

„Þessi lækkun sem að er svona flöt yfir línuna hún fer þess vegna að mestu leiti til þeirra fyrirtækja sem bera hita og þunga af gjaldinu í dag, það er að segja stóru útgerðarfyrirtækjanna. Þannig að sem aðgerð til þess að létta álögur á lítil og meðalstór fyrirtæki þá er þessi aðgerð nú ekki líkleg til að breyta miklu um þeirra rekstrarstöðu,” segir Daði Már Kristófersson, prófessor í auðlindahagfræði við Háskóla Íslands.

Gagnrýnt hefur verið að á sama tíma og útgerðarfyrirtækin lýsi áhyggjum af erfiðu árferði, greiði þau háar arðgreiðslur og verji miklu í fjárfestingar. Sé litið til fjögurra af stærstu útgerðarfyrirtækjum landsins, HB Granda, Brim, Samherja og Ísfélags Vestmannaeyja, hefur HB Grandi greitt út mestan arð síðastliðin tvö ár. Brim greiddi út 295 milljónir vegna ársins 2016 en umfram það hafa stjórnir fyrirtækjanna fjögurra ýmist ákveðið að greiða ekki út arð eða ákvörðun um það ekki enn verið tekin.

„Án arðgreiðslna eða án þess að fjárfestingarnar skili arði, myndi enginn vera tilbúinn að fjárfesta í sjávarútvegsfyrirtækjum og það er nú varla það sem fóll vill,” segir Daði. Aftur á móti sé það önnur spurning hvort arðgreiðslur í sjávarútvegi séu óeðlilega mikið meiri en í öðrum atvinnugreinum.

Það sama geti átt við um fjárfestingar. „Þegar þú ræðst í fjárfestingu þá gerir þú það ekkert endilega bara þegar árar vel, heldur er það til lengri tíma og þá ertu að hugsa um framtíðina.”

Sjávarútvegur

Tengdar fréttir

Lækkun veiðigjalda þolir enga bið að sögn formanns atvinnuveganefndar

Formaður atvinnuveganefndar segir sjávarútvegsráðherra verða að svara fyrir það hvers vegna frumvarp um lækkun veiðigjalda hafi ekki verið lagt fram fyrr. Málið þoli aftur á móti enga bið þar sem minni útgerðir séu að sigla í þrot. Stjórnarandstaðan kom í veg fyrir að frumvarpið yrði tekið til umræðu á Alþingi í gær.

1. júní 2018 19:30

„Það á að ryðja þessu með ofbeldi í gegnum þingið“

Þorsteinn Víglundsson gagnrýnir vinnubrögð ríkisstjórnarinnar harðlega og segir að hér séu eiginhagsmunir látnir ráða förinni.

3. júní 2018 15:59

Alltaf talið að veiðigjöldin ættu að endurspegla afkomuna

Sjávarútvegs- og landbúnaðarráðherra samdi við atvinnuveganefnd um að leggja fram frumvarp um veiðigjöld vegna tímaskorts. Forsætisráðherra segir gjöldin þurfa að endurspegla afkomu greinarinnar. Skilur gagnrýni stjórnarandstöðunnar

5. júní 2018 07:00

ASÍ mótmælir harðlega lækkun veiðigjalda

Alþýðusamband Íslands, ASÍ, mótmælir harðlega fyrirhugaðri lækkun veiðigjalda í umsögn sem sambandið hefur sent inn til Alþingis vegna frumvarps meirihluta atvinnuveganefndar þar sem lagt er til að veiðigjöld verði lækkuð.

5. júní 2018 18:00

Tíu stærstu fá helming lækkunarinnar

Heildarlækkun veiðigjalda á næsta ári verður á þriðja milljarð króna, verði frumvarp þess efnis samþykkt. Hagfræðingur gagnrýnir frumvarpið fyrir að hygla stórum fyrirtækjum en forsætisráðherra segir að komið sé til móts við lítil og meðalstór fyrirtæki.

5. júní 2018 06:00

Segir hluta stjórnarandstöðunnar þyrla upp moldviðri í umræðunni um veiðigjöld

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, kom inn á umræðuna um veiðigjöld í ræðu sinni á eldhúsdegi á Alþingi í kvöld.

4. júní 2018 20:19

Óskilvirkni á síðustu dögunum fyrir sumarhlé á starfi Alþingis

Frumvarp frá atvinnuveganefnd Alþingis um lækkun veiðigjalda fékkst ekki tekið á dagskrá þar sem ósk um það var felld í atkvæðagreiðslu á þinginu í gær. Stjórnarandstaðan segir loforð um afgreiðslu mála hafa verið svikin.

1. júní 2018 07:00