Rekja má ákvörðun Harley-Davidson um að flytja framleiðsluna frá Bandaríkjunum til tolla sem Evrópusambandið hefur lagt á innflutning á mótorhjólum. Tollarnir voru hluti af aðgerðum ESB vegna verndartolla Trumps á innflutt ál og stál.
Forsvarsmenn Harley-Davidson áætla að tollar ESB kosti fyrirtækið 90-100 milljónir dollara á ári. Verð á hverju mótorhjóli muni hækka um 2.200 dollara, jafnvirði um 238 þúsund íslenskra króna, í Evrópu vegna 25 prósenta tolls sem ESB hefur lagt á þau.
Trump gagnrýndi áætlanir Harley Davidson harðlega á Twitter fyrr í dag og varði ákvarðanir bandarískra yfirvalda um verndartolla á innflutt stál og ál.
„Harley Davidson hjól ætti aldrei að vera framleitt í öðru ríki. Aldrei. Starfsmenn þeirra og viðskiptavinir eru nú þegar mjög reiðir við þá. Ef þeir fara þá verður það upphaf endalokanna fyrir þá. Þeir gáfust upp, þeir hættu! Áran verður farin og við munum skattleggja þá sem aldrei fyrr!,“ tísti Trump í dag.
....We are getting other countries to reduce and eliminate tariffs and trade barriers that have been unfairly used for years against our farmers, workers and companies. We are opening up closed markets and expanding our footprint. They must play fair or they will pay tariffs!
— Donald J. Trump (@realDonaldTrump) June 26, 2018
A Harley-Davidson should never be built in another country-never! Their employees and customers are already very angry at them. If they move, watch, it will be the beginning of the end - they surrendered, they quit! The Aura will be gone and they will be taxed like never before!
— Donald J. Trump (@realDonaldTrump) June 26, 2018
Í umfjöllun Financial Times um málið segir hins vegar að flestir viðskiptaríki Bandaríkjanna hafi valið að fara sömu leið og ESB vegna verndartolla Bandaríkjanna. Stefna þeirra sé að svara í sömu mynt fremur en að láta undan kröfum bandarískra yfirvalda.

Lýsandi fyrir stöðu bandarískra fyrirtækja vegna stefnu forsetans
Staða Harley-Davidson var orðin nokkuð þröng að mati hagfræðings hjá Peterson-stofnunni sem segir hana lýsandi fyrir þann vanda sem fyrirtæki í Bandaríkjunum standi frammi fyrir vegna stefnu Trump í alþjóðaviðskiptum. Býst hann við að fleiri fyrirtæki muni feta í fótspor Harley Davidson.Í fyrsta lagi stóð Harley-Davison frammi fyrir hækkandi framleiðslukostnaði vegna tolla á innfluttu áli og stáli, í öðru lagi bitnaði svar ESB-ríkja við tollum Trump á fyrirtækinu á sama tíma og samkeppnisaðilar Harley-Davidson í Evrópu hafi getað nýtt sér hagstæða viðskiptasamninga ESB við stór markaðssvæði á borð við Japan. Því sé ákvörðun framleiðandas um að flytja hluta framleiðslunnar frá Bandaríkjunum skiljanleg.
Framleiðsla Harley-Davidson fer að mestu fram í Wisconsin-ríki Bandaríkjanna. Paul Ryan, leiðtogi Repúblikana í fulltrúadeild Bandaríkjaþings og fulltrúi ríkisins þar, segir að rekja megi ákvörðun framleiðandans beint til verndartolla Trumps.
„Besta leiðin til þess að aðstoða bandaríska verkamenn, neytendur og framleiðendur er að opna nýja markaði, ekki reisa múra fyrir okkar eigin markað,“ sagði Ryan.