Íslamska ríkið lýsir yfir ábyrgð á ljósmæðraárás

Íslamska ríkið sendi í dag frá sér tilkynningu þar sem samtökin lýsa yfir ábyrgð á árásinni sem gerð var á æfingamiðstöð fyrir ljósmæður í Afganistan í gær. Þrír létust í árásinni.

Sjá einnig: Þrír létust í árás á ljósmæðramiðstöð í Afganistan

Hryðjuverkasamtökin tilkynntu þetta í dag í gegnum Amaq fréttaveituna, sem hefur náin tengsl við samtökin og er yfirleitt fyrst til að birta yfirlýsingar þeirra. Í yfirlýsingunni segir að tveir menn hafi verið að verki.

61 ljósmóður og tveimur börnum var bjargað úr miðstöðinni, en tveir öryggisverðir og bílstjóri létu lífið í árásinni. Öryggissveitir hersins náðu yfirtökum á ástandinu eftir sex klukkutíma skotbardaga. 

Íslamska ríkið hefur sterk ítök á Nangarhar svæðinu nærri Jalalabad þar sem árásin var gerð.

As expected, the Islamic State has claimed the attack on a school for midwives in #Jalalabad, #Afghanistan yesterday. Amaq News (#ISIS) says it was assault on USAID and claims higher casualty figure than reported in media accounts. pic.twitter.com/Xegyj889Qx

— Thomas Joscelyn (@thomasjoscelyn) 29 July 2018