Hart sótt að May á þinginu Samúel Karl Ólason skrifar 15. nóvember 2018 12:34 Theresa May á þinginu í dag. AP/PA Nokkrir meðlimir ríkisstjórnar Theresu May hafa sagt af sér vegna samningsdraga varðandi brottför Bretland úr Evrópusambandinu sem May er að reyna að fá samþykkt. Þau Dominic Raab, Brexit-ráðherra, og Esther Mcvey, ráðherra atvinnumála og eftirlauna, sögðu af sér nú í morgun. Shailesh Vara, ráðherra ríkisstjórnarinnar sem fer með málefni Norður-Írlands, hefur sömuleiðis sagt af sér og svo tveir lágt settir meðlimir ríkisstjórnarinnar til viðbótar. Ólíklegt þykir að May muni geta fengið þingið til að samþykkja drögin. May varði samningsdrögin á breska þinginu í dag og úr urðu miklar deilur. Fulltrúi ríkisstjórnar Skotlands kvartaði yfir því að ekki væri minnst á ríkið í drögunum en Skotar hafa kvartað yfir því að Norður-Írland muni áfram hafa aðgang að innri markaði ESB, eftir Brexit. May var beðin um að útiloka ekki að halda aðra þjóðaratkvæðagreiðslu af Önnu Soubry, þingmanni Íhaldsflokksins sem er hlynntur aðild að Evrópusambandinu. Hún sagði ljóst að May gæti ekki staðið við loforðin sem Brexit-liðar hafa lofað, því það sé ómögulegt að standa við þau. May sagðist ekki geta gefið frá sér nein loforð um þjóðaratkvæðagreiðslu. Bretland myndi yfirgefa ESB þann 29. mars 2019. Fleiri hafa tekið upp áköll eftir nýrri þjóðaratkvæðagreiðslu um Brexit. May sagðist ekki telja það rétt. Atkvörðun hefði verið tekin á sínum tíma og fólkið hefði kosið. Réttast væri að fylgja vilja þeirra.Lítill sem enginn stuðningur á þingi Þingmaðurinn Chris Leslie tók til máls og sagði að eftir rúman klukkutíma hefði enginn þingmaður lýst yfir stuðningi við samningsdrögin sem væru á borðinu. Hann bað þingmenn Íhaldsflokksins sem styddu drögin að setja hendur á loft og sagði engan þeirra hafa gert það. Svo virðist sem að þingmenn sem vilji framfylgja Brexit styðji ekki samkomulagið vegna þess að þar sé ekki gengið nógu langt í að slíta tengsl Bretlands og ESB. Aðrir þingmenn, sem vilja ekki að Bretland yfirgefi ESB, kalla eftir nýrri þjóðaratkvæðagreiðslu."I plead with you to accept the political reality of the situation you now face" Conservative MP Mark Francois says it's mathematically impossible to get the draft #Brexit deal through the House of Commons Live updates: https://t.co/x82eDksQEUpic.twitter.com/GyJ9ojSLue — BBC News (UK) (@BBCNews) November 15, 2018 Meðal þess sem stendur í þingmönnum er að samkvæmt drögunum þurfa Bretar að greiða ESB 39 milljarða punda vegna fyrri skuldbindinga þeirra innan sambandsins. Þá eru miklar deilur um landamæri Írlands og Norður-Írlands. Ríkisstjórn May vill að Bretlandi yfirgefi innri markaði og tollasamstarf ESB. Heimamenn í Írlandi vilja hins vegar engan veginn fá svokölluð „hörð landamæri“ við landamæri Írlands og Norður-Írlands, sem í raun verða landamæri Bretlands og ESB. Eins og staðan er núna er erfitt að átta sig á því hvar landamærin eru og þannig vilja Írar hafa það. Hins vegar felur Brexit í sér að nauðsynlegt sé að setja upp landamærastöðvar og tollaeftirlit á landamærunum. Þó er áætlað að það leysist með fríverslunarsamningi á milli Bretlands og ESB sem skrifa á undir einhvern tímann eftir 29. mars næstkomandi. Það gæti þó ekki gerst fyrr en í desember 2020 og því hafa ráðamenn ESB krafist samkomulags um að forðast „hörð landamæri“ þar til fríverslunarsamningur verður undirritaður. Krafa ESB felur í sér að Norður-Írland verði áfram aðili að innri mörkuðum og tollasamstarfi ESB.Óttast að vera gíslar Það hafa Bretar hins vegar ekki verið sáttir við, því það felur í sér ákveðna upplausn í sambandsveldinu og að Bretar geti ekki gert einhliða viðskiptasamninga í millitíðinni. Því hafa þeir farið fram á að allt Bretland verði áfram aðili að innri mörkuðum og tollasamstarfi ESB, þar til yfirvöld Bretlands ákveða að hætta. Forsvarsmenn ESB hafa ekki verið sáttir við það að Bretar ráði því einhliða hvenær þeir geti slitið samstarfinu, því það fæli ekki í sér tryggingu á engum „hörðum landamærum“ í Írlandi. Samkvæmt drögunum sem nú eru á borðinu mun ESB geta neitað Bretum að yfirgefa markaðina og tollasamstarfið, þar til búið er að tryggja engin „hörð landamæri“ í Írlandi. Svokallaðir Brexit-liðar, eins og Dominic Raab, eru alls ekki sátti við þetta og segja ESB geta þvingað Breta til að vera í tollasamstarfinu til lengri tíma og þvingað Breta til að fylgja reglum ESB. Bretland Brexit Evrópusambandið Mest lesið Gat ekki lengur lesið en sagði engum frá því Innlent „Ég má ekki heita Hrísey en ég má heita Rodriguez“ Innlent „Þau eru að herja á börnin okkar“ Innlent Lofthelgi aftur lokað í Álaborg vegna drónaflugs Erlent Skvísur séu almennt frekar næringarsnauðar og börnin geti orðið matvönd Innlent James Comey ákærður vegna Rússarannsóknar Erlent Minna fólk á að hafa vistir til þriggja daga á heimilinu Innlent Lægð sem valdi meiri usla Innlent Dæmigert hundaflaut að spyrja hvort kynin séu tvö Innlent Breytingar í vændum á skrifstofu forseta Innlent Fleiri fréttir Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Flugvellinum í Álaborg lokað vegna drónaflugs Segja árásina hafa beinst gegn ICE Pútín auki einfaldlega stríðsreksturinn verði hann ekki stöðvaður Sprenging í Osló talin tengjast sænsku glæpagengi Þrír skotnir af leyniskyttu við byggingu ICE í Dallas Biðjast afsökunar á „svörtum kafla“ í sögu Danmerkur og Grænlands Kenna Trump-liðum um bæði rúllustigann og textavélina Ekki staðfest hvort það hafi verið drónar sem röskuðu flugumferð í Osló Ekki pappírstígur heldur alvöru björn Vinsælum þáttarstjórnanda sagt upp vegna ásakana um brot gegn unglingsstúlku Drónamálið enn óupplýst: „Við erum heimskir nýgræðingar“ Kimmel snéri aftur, Trump til mikillar óánægju Rússland sé „pappírs tígur“ og Úkraínumenn geti unnið landið aftur Ákærði hálfur Íslendingur: Játaði morðið á Instagram tveimur vikum eftir það Sprenging í Osló og stórt svæði girt af Ryan Routh sekur um að reyna að myrða Trump Sjá meira
Nokkrir meðlimir ríkisstjórnar Theresu May hafa sagt af sér vegna samningsdraga varðandi brottför Bretland úr Evrópusambandinu sem May er að reyna að fá samþykkt. Þau Dominic Raab, Brexit-ráðherra, og Esther Mcvey, ráðherra atvinnumála og eftirlauna, sögðu af sér nú í morgun. Shailesh Vara, ráðherra ríkisstjórnarinnar sem fer með málefni Norður-Írlands, hefur sömuleiðis sagt af sér og svo tveir lágt settir meðlimir ríkisstjórnarinnar til viðbótar. Ólíklegt þykir að May muni geta fengið þingið til að samþykkja drögin. May varði samningsdrögin á breska þinginu í dag og úr urðu miklar deilur. Fulltrúi ríkisstjórnar Skotlands kvartaði yfir því að ekki væri minnst á ríkið í drögunum en Skotar hafa kvartað yfir því að Norður-Írland muni áfram hafa aðgang að innri markaði ESB, eftir Brexit. May var beðin um að útiloka ekki að halda aðra þjóðaratkvæðagreiðslu af Önnu Soubry, þingmanni Íhaldsflokksins sem er hlynntur aðild að Evrópusambandinu. Hún sagði ljóst að May gæti ekki staðið við loforðin sem Brexit-liðar hafa lofað, því það sé ómögulegt að standa við þau. May sagðist ekki geta gefið frá sér nein loforð um þjóðaratkvæðagreiðslu. Bretland myndi yfirgefa ESB þann 29. mars 2019. Fleiri hafa tekið upp áköll eftir nýrri þjóðaratkvæðagreiðslu um Brexit. May sagðist ekki telja það rétt. Atkvörðun hefði verið tekin á sínum tíma og fólkið hefði kosið. Réttast væri að fylgja vilja þeirra.Lítill sem enginn stuðningur á þingi Þingmaðurinn Chris Leslie tók til máls og sagði að eftir rúman klukkutíma hefði enginn þingmaður lýst yfir stuðningi við samningsdrögin sem væru á borðinu. Hann bað þingmenn Íhaldsflokksins sem styddu drögin að setja hendur á loft og sagði engan þeirra hafa gert það. Svo virðist sem að þingmenn sem vilji framfylgja Brexit styðji ekki samkomulagið vegna þess að þar sé ekki gengið nógu langt í að slíta tengsl Bretlands og ESB. Aðrir þingmenn, sem vilja ekki að Bretland yfirgefi ESB, kalla eftir nýrri þjóðaratkvæðagreiðslu."I plead with you to accept the political reality of the situation you now face" Conservative MP Mark Francois says it's mathematically impossible to get the draft #Brexit deal through the House of Commons Live updates: https://t.co/x82eDksQEUpic.twitter.com/GyJ9ojSLue — BBC News (UK) (@BBCNews) November 15, 2018 Meðal þess sem stendur í þingmönnum er að samkvæmt drögunum þurfa Bretar að greiða ESB 39 milljarða punda vegna fyrri skuldbindinga þeirra innan sambandsins. Þá eru miklar deilur um landamæri Írlands og Norður-Írlands. Ríkisstjórn May vill að Bretlandi yfirgefi innri markaði og tollasamstarf ESB. Heimamenn í Írlandi vilja hins vegar engan veginn fá svokölluð „hörð landamæri“ við landamæri Írlands og Norður-Írlands, sem í raun verða landamæri Bretlands og ESB. Eins og staðan er núna er erfitt að átta sig á því hvar landamærin eru og þannig vilja Írar hafa það. Hins vegar felur Brexit í sér að nauðsynlegt sé að setja upp landamærastöðvar og tollaeftirlit á landamærunum. Þó er áætlað að það leysist með fríverslunarsamningi á milli Bretlands og ESB sem skrifa á undir einhvern tímann eftir 29. mars næstkomandi. Það gæti þó ekki gerst fyrr en í desember 2020 og því hafa ráðamenn ESB krafist samkomulags um að forðast „hörð landamæri“ þar til fríverslunarsamningur verður undirritaður. Krafa ESB felur í sér að Norður-Írland verði áfram aðili að innri mörkuðum og tollasamstarfi ESB.Óttast að vera gíslar Það hafa Bretar hins vegar ekki verið sáttir við, því það felur í sér ákveðna upplausn í sambandsveldinu og að Bretar geti ekki gert einhliða viðskiptasamninga í millitíðinni. Því hafa þeir farið fram á að allt Bretland verði áfram aðili að innri mörkuðum og tollasamstarfi ESB, þar til yfirvöld Bretlands ákveða að hætta. Forsvarsmenn ESB hafa ekki verið sáttir við það að Bretar ráði því einhliða hvenær þeir geti slitið samstarfinu, því það fæli ekki í sér tryggingu á engum „hörðum landamærum“ í Írlandi. Samkvæmt drögunum sem nú eru á borðinu mun ESB geta neitað Bretum að yfirgefa markaðina og tollasamstarfið, þar til búið er að tryggja engin „hörð landamæri“ í Írlandi. Svokallaðir Brexit-liðar, eins og Dominic Raab, eru alls ekki sátti við þetta og segja ESB geta þvingað Breta til að vera í tollasamstarfinu til lengri tíma og þvingað Breta til að fylgja reglum ESB.
Bretland Brexit Evrópusambandið Mest lesið Gat ekki lengur lesið en sagði engum frá því Innlent „Ég má ekki heita Hrísey en ég má heita Rodriguez“ Innlent „Þau eru að herja á börnin okkar“ Innlent Lofthelgi aftur lokað í Álaborg vegna drónaflugs Erlent Skvísur séu almennt frekar næringarsnauðar og börnin geti orðið matvönd Innlent James Comey ákærður vegna Rússarannsóknar Erlent Minna fólk á að hafa vistir til þriggja daga á heimilinu Innlent Lægð sem valdi meiri usla Innlent Dæmigert hundaflaut að spyrja hvort kynin séu tvö Innlent Breytingar í vændum á skrifstofu forseta Innlent Fleiri fréttir Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Flugvellinum í Álaborg lokað vegna drónaflugs Segja árásina hafa beinst gegn ICE Pútín auki einfaldlega stríðsreksturinn verði hann ekki stöðvaður Sprenging í Osló talin tengjast sænsku glæpagengi Þrír skotnir af leyniskyttu við byggingu ICE í Dallas Biðjast afsökunar á „svörtum kafla“ í sögu Danmerkur og Grænlands Kenna Trump-liðum um bæði rúllustigann og textavélina Ekki staðfest hvort það hafi verið drónar sem röskuðu flugumferð í Osló Ekki pappírstígur heldur alvöru björn Vinsælum þáttarstjórnanda sagt upp vegna ásakana um brot gegn unglingsstúlku Drónamálið enn óupplýst: „Við erum heimskir nýgræðingar“ Kimmel snéri aftur, Trump til mikillar óánægju Rússland sé „pappírs tígur“ og Úkraínumenn geti unnið landið aftur Ákærði hálfur Íslendingur: Játaði morðið á Instagram tveimur vikum eftir það Sprenging í Osló og stórt svæði girt af Ryan Routh sekur um að reyna að myrða Trump Sjá meira