Ný Boeing-þota enn biluð og situr föst í Íran Garðar Örn Úlfarsson skrifar 5. janúar 2019 09:30 Nýja Boeing 737 Max 8 sést hér í einkennislitum Norwegian. Mynd/Boeing Boeing 737 Max 8 þota flugfélagsins Norwegian er enn föst á flugvellinum í Shiraz í Íran eftir að hafa nauðlent þar á leið frá Dúbaí til Óslóar 14. desember síðastliðinn. Önnur þota var send eftir farþegunum og þeir fluttir til Óslóar. Staðan er sérstaklega flókin þar sem Íran sætir efnahagsþvingunum og viðskiptabanni þannig að ekki er hægt að selja þangað varahluti í Boeing-þotur sem framleiddar eru í Bandaríkjunum. Eins og Fréttablaðið sagði frá daginn sem Norwegian-þotunni var lent í Íran, kom upp bilun í öðrum hreyfli vélarinnar skömmu eftir flugtak frá Dúbaí þannig að þotan lét ekki vel að stjórn og flugið var nokkuð skrykkjótt. Slökkt var á hreyflinum og síðan lent eðlilega í Shiraz. Um var að ræða aðeins tveggja mánaða gamla þotu, af gerðinni Boeing 737 Max 8 – sömu nýju tegundinni og hrapaði þrettán mínútum eftir flugtak frá Djakarta í Indónesíu 29. október eftir að flugmenn Lion Air misstu stjórn á vélinni. Allir um borð í Lion Air-þotunni, 189 manns, fórust. Af þessum sökum er áríðandi að skera úr um orsakir neyðarlendingarinnar í Íran. Til dæmis að svara því hvort um sams konar bilun var að ræða í þotunum tveimur, sem báðar voru svo gott sem nýjar úr kassanum. Icelandair hefur tekið hinar nýju Boeing 737 Max 8 þotur í notkun. Ein þeirra hefur verið úr leik í ellefu daga eftir að hún fauk á landgang í Leifsstöð á jóladagskvöld. „Þú verður að hafa samband við Norwegian varðandi stöðuna á flugvél þeirra,“ segir í svari frá Paul R. Bergman, fjölmiðlafulltrúa Boeing, í svari við fyrirspurn Fréttablaðsins um ástæður þess að þota Norwegian lenti í Íran, hvers vegna vélin er þar enn og hvort rekja megi bilunina til hins sama og grandaði Boeing þotu Lion Air. Fréttablaðið hefur einmitt frá því fyrir áramót ítrekað óskað eftir upplýsingum frá Norwegian um það hvers vegna þotu félagsins var nauðlent í Íran og hvað valdi því að þotan er þar enn. Svör hafa ekki borist frá flugfélaginu. Fyrirspurn blaðsins frá því á miðvikudag til Rannsóknarnefndar flugslysa í Noregi um hvaða upplýsingum um atvikið nefndin býr yfir hefur heldur ekki verið svarað enn. Fjallað var um málið á fréttavefnum airlive.net á fimmtudag. Þar kemur meðal annars fram að útlit væri fyrir að viðgerðarliði sem Norwegian sendi til Shiraz hefði ekki tekist að gera við bilaða hreyfilinn og að skipta þyrfti hreyflinum út. Vegna fyrrgreinds viðskiptabanns þurfi hins vegar að koma til sérstakir samningar milli yfirvalda í Íran og Bandaríkjunum til að koma nýjum hreyfli inn í Íran. Neyðarlendingin í Íran gæti einnig haft í för með sér óþægilegar afleiðingar fyrir þá sem voru um borð í Norwegian-vélinni. Þar sem þetta fólk, sem flest er norskt, hefur farið til Írans gæti það framvegis þurft að sækja um vegabréfsáritanir til að komast til Bandaríkjanna vegna reglna sem gilda nú þar í landi. Birtist í Fréttablaðinu Boeing Fréttir af flugi Íran Norðurlönd Mest lesið Nýjar íbúðir seljast verr en aðrar vegna stærðar Viðskipti innlent Gefur eftir í tollastríði við Kína Viðskipti erlent Munu opna tvö Starbucks-kaffihús í miðborginni Viðskipti innlent Ætlar að einbeita sér að Tesla eftir slæmt uppgjör Viðskipti erlent Reynst betur að kaupa fasteign en hlutabréf Viðskipti innlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Notendur þurfi að bregðast við vilji þeir ekki að gögn verði notuð Viðskipti erlent ESB sektar Apple og Meta um rúma hundrað milljarða Viðskipti erlent Bærinn vildi húsið en þurfti svo að borga tvöfalt meira Viðskipti innlent Fleiri fréttir Gefur eftir í tollastríði við Kína ESB sektar Apple og Meta um rúma hundrað milljarða Ætlar að einbeita sér að Tesla eftir slæmt uppgjör Spá minni hagvexti um nær allan heim vegna tolla Bandaríkjastjórnar Ummæli Trumps um „meiriháttar lúser“ leggjast illa í markaðinn Notendur þurfi að bregðast við vilji þeir ekki að gögn verði notuð Heimsskortur á pistasíum vegna Dúbaí-súkkulaðis Tímamótasamkomulag um að draga úr losun skipaflotans Hlutabréfaverð í Asíu hækkar Trump hafi „ekki hugmynd“ um hvað hann sé að gera Færri fara til Bandaríkjanna en fækkunin hvað mest frá Íslandi Kínverjar svara fyrir sig og hækka enn tolla á bandarískar vörur Órói á mörkuðum heldur áfram og gullverð aldrei hærra Hækkar tolla á Kína aftur í 145 prósent Prada kaupir Versace á 183 milljarða króna Evrópusambandið frestar tollahækkunum Kauphallir rétta úr kútnum Hækkar tolla á Kína og samþykkir níutíu daga „hlé“ fyrir tugi ríkja Trump boðar „stórfellda“ tolla á lyf en Róbert hefur ekki áhyggjur Trump-tollar tóku gildi í nótt Bjartara yfir við opnun markaða Gefur reikniformúlu tollgjaldanna falleinkunn Leggja til 25 prósent tolla á valdar bandarískar vörur Trump hótar Kínverjum 50 prósenta viðbótartolli Áfram lækkanir við opnun markaða í Evrópu Enn meiri lækkanir í Asíu við opnun markaða Jaguar Land Rover stöðvar sendingar vegna tollahækkana Leiðtogar ESB íhuga háa sekt á X og Musk Verðfall á Wall Street Talaði gegn eigin ráðgjöfum um tollana Sjá meira
Boeing 737 Max 8 þota flugfélagsins Norwegian er enn föst á flugvellinum í Shiraz í Íran eftir að hafa nauðlent þar á leið frá Dúbaí til Óslóar 14. desember síðastliðinn. Önnur þota var send eftir farþegunum og þeir fluttir til Óslóar. Staðan er sérstaklega flókin þar sem Íran sætir efnahagsþvingunum og viðskiptabanni þannig að ekki er hægt að selja þangað varahluti í Boeing-þotur sem framleiddar eru í Bandaríkjunum. Eins og Fréttablaðið sagði frá daginn sem Norwegian-þotunni var lent í Íran, kom upp bilun í öðrum hreyfli vélarinnar skömmu eftir flugtak frá Dúbaí þannig að þotan lét ekki vel að stjórn og flugið var nokkuð skrykkjótt. Slökkt var á hreyflinum og síðan lent eðlilega í Shiraz. Um var að ræða aðeins tveggja mánaða gamla þotu, af gerðinni Boeing 737 Max 8 – sömu nýju tegundinni og hrapaði þrettán mínútum eftir flugtak frá Djakarta í Indónesíu 29. október eftir að flugmenn Lion Air misstu stjórn á vélinni. Allir um borð í Lion Air-þotunni, 189 manns, fórust. Af þessum sökum er áríðandi að skera úr um orsakir neyðarlendingarinnar í Íran. Til dæmis að svara því hvort um sams konar bilun var að ræða í þotunum tveimur, sem báðar voru svo gott sem nýjar úr kassanum. Icelandair hefur tekið hinar nýju Boeing 737 Max 8 þotur í notkun. Ein þeirra hefur verið úr leik í ellefu daga eftir að hún fauk á landgang í Leifsstöð á jóladagskvöld. „Þú verður að hafa samband við Norwegian varðandi stöðuna á flugvél þeirra,“ segir í svari frá Paul R. Bergman, fjölmiðlafulltrúa Boeing, í svari við fyrirspurn Fréttablaðsins um ástæður þess að þota Norwegian lenti í Íran, hvers vegna vélin er þar enn og hvort rekja megi bilunina til hins sama og grandaði Boeing þotu Lion Air. Fréttablaðið hefur einmitt frá því fyrir áramót ítrekað óskað eftir upplýsingum frá Norwegian um það hvers vegna þotu félagsins var nauðlent í Íran og hvað valdi því að þotan er þar enn. Svör hafa ekki borist frá flugfélaginu. Fyrirspurn blaðsins frá því á miðvikudag til Rannsóknarnefndar flugslysa í Noregi um hvaða upplýsingum um atvikið nefndin býr yfir hefur heldur ekki verið svarað enn. Fjallað var um málið á fréttavefnum airlive.net á fimmtudag. Þar kemur meðal annars fram að útlit væri fyrir að viðgerðarliði sem Norwegian sendi til Shiraz hefði ekki tekist að gera við bilaða hreyfilinn og að skipta þyrfti hreyflinum út. Vegna fyrrgreinds viðskiptabanns þurfi hins vegar að koma til sérstakir samningar milli yfirvalda í Íran og Bandaríkjunum til að koma nýjum hreyfli inn í Íran. Neyðarlendingin í Íran gæti einnig haft í för með sér óþægilegar afleiðingar fyrir þá sem voru um borð í Norwegian-vélinni. Þar sem þetta fólk, sem flest er norskt, hefur farið til Írans gæti það framvegis þurft að sækja um vegabréfsáritanir til að komast til Bandaríkjanna vegna reglna sem gilda nú þar í landi.
Birtist í Fréttablaðinu Boeing Fréttir af flugi Íran Norðurlönd Mest lesið Nýjar íbúðir seljast verr en aðrar vegna stærðar Viðskipti innlent Gefur eftir í tollastríði við Kína Viðskipti erlent Munu opna tvö Starbucks-kaffihús í miðborginni Viðskipti innlent Ætlar að einbeita sér að Tesla eftir slæmt uppgjör Viðskipti erlent Reynst betur að kaupa fasteign en hlutabréf Viðskipti innlent Breyta Kaffi Kjós í íbúðarhús Viðskipti innlent Nova eignast tuttugu prósenta hlut í Dineout Viðskipti innlent Notendur þurfi að bregðast við vilji þeir ekki að gögn verði notuð Viðskipti erlent ESB sektar Apple og Meta um rúma hundrað milljarða Viðskipti erlent Bærinn vildi húsið en þurfti svo að borga tvöfalt meira Viðskipti innlent Fleiri fréttir Gefur eftir í tollastríði við Kína ESB sektar Apple og Meta um rúma hundrað milljarða Ætlar að einbeita sér að Tesla eftir slæmt uppgjör Spá minni hagvexti um nær allan heim vegna tolla Bandaríkjastjórnar Ummæli Trumps um „meiriháttar lúser“ leggjast illa í markaðinn Notendur þurfi að bregðast við vilji þeir ekki að gögn verði notuð Heimsskortur á pistasíum vegna Dúbaí-súkkulaðis Tímamótasamkomulag um að draga úr losun skipaflotans Hlutabréfaverð í Asíu hækkar Trump hafi „ekki hugmynd“ um hvað hann sé að gera Færri fara til Bandaríkjanna en fækkunin hvað mest frá Íslandi Kínverjar svara fyrir sig og hækka enn tolla á bandarískar vörur Órói á mörkuðum heldur áfram og gullverð aldrei hærra Hækkar tolla á Kína aftur í 145 prósent Prada kaupir Versace á 183 milljarða króna Evrópusambandið frestar tollahækkunum Kauphallir rétta úr kútnum Hækkar tolla á Kína og samþykkir níutíu daga „hlé“ fyrir tugi ríkja Trump boðar „stórfellda“ tolla á lyf en Róbert hefur ekki áhyggjur Trump-tollar tóku gildi í nótt Bjartara yfir við opnun markaða Gefur reikniformúlu tollgjaldanna falleinkunn Leggja til 25 prósent tolla á valdar bandarískar vörur Trump hótar Kínverjum 50 prósenta viðbótartolli Áfram lækkanir við opnun markaða í Evrópu Enn meiri lækkanir í Asíu við opnun markaða Jaguar Land Rover stöðvar sendingar vegna tollahækkana Leiðtogar ESB íhuga háa sekt á X og Musk Verðfall á Wall Street Talaði gegn eigin ráðgjöfum um tollana Sjá meira