Handbolti

Guðjón Valur búinn að semja við PSG

Henry Birgir Gunnarsson skrifar
Guðjón Valur spilar með ríkasta handboltaliði heims næsta vetur.
Guðjón Valur spilar með ríkasta handboltaliði heims næsta vetur. mynd/psg
Guðjón Valur Sigurðsson er á leið í enn eitt ævintýrið en hann samdi í dag við franska stórliðið PSG.

Samningur hins 39 ára gamla Guðjóns við PSG er til eins árs eða fram á sumar 2020. Guðjón spilar með Rhein-Neckar Löwen í dag en félagið er að fá aftur Uwe Gensheimer frá PSG og Guðjón tekur hans stöðu í Frakklandi

„Ég gæti ekki verið stoltari að fá tækifæri til að spila fyrir þetta lið og gaman líka að spila loksins í Frakklandi,“ sagði Guðjón Valur í viðtali við PSG sem má sjá hér að neðan.





Guðjón Valur mun klára tímabilið með Löwen áður en hann heldur til Parísar næsta sumar.

Ferill Guðjóns er einkar glæsilegur en hann hefur leikið með mörgum af stærstu handboltaliðum heims. Nægir þar að nefna lið eins og Barcelona, Kiel, AG frá Kaupmannahöfn og Rhein-Neckar Löwen.

Handbolti

Mest lesið


Fleiri fréttir

Sjá meira


×

Mest lesið